សន្តិសុខសង្គម

អគ្គិភ័យឆាបឆេះសិប្បកម្មកែច្នៃកៅអីមួយកន្លែង អស់ទាំងស្រុង នៅខណ្ឌច្បារអំពៅ

បានផុស

២ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

ទីតាំងរោងសិប្បកម្មកែច្នៃកៅអីមួយកន្លែង ត្រូវបានអគ្គិភ័យឆាបឆេះទាំងស្រុង បង្កការភ្ញាក់ផ្អើលកាលពីវេលាម៉ោង ០៩ និង ៥០ នាទីយប់ ថ្ងៃសុក្រ ទី ០៨ ខែកញ្ញា ឆ្នាំ ២០២៣ នៅចំណុចសិប្បកម្មកែច្នៃកៅអី ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ទីតាំងឈ្មោះ សុខា វិសាល ភេទប្រុស អាយុ ៤២ ឆ្នាំ ជនជាតិខ្មែរ ជាម្ចាស់សិប្បកម្ម។ ទីតាំងខាងលើមានទំហំ ១០ ម៉ែត្រ X៣០ ជាប្រភេទសំណង់ដែកប្រក់ស័ង្កសី។

សមត្ថកិច្ចបានឲ្យដឹងថា ក្រោយពីទទួលបានព័ត៌មានភ្លាម កម្លាំងក្រុមពន្លត់ និងបង្ការគ្រោះអគ្គិភ័យ ចេញរថយន្តជាច្រើនគ្រឿង ដើម្បីចុះទៅអន្តរាគមន៍ភ្លាមៗ។

ក្នុងរង្វង់ប្រតិបត្តិការបង្ការគ្រោះអគ្គិភ័យខាងលើ សមត្ថកិច្ចប្រើប្រាស់រថយន្តការិ.អគ្គិភ័យចំនួន ១២ គ្រឿង ទឹកអស់ ២៤ ឡាន ស្មើនឹង ៩៦ ម៉ែត្រគូប ,រថយន្តជំនួយ:រថយន្តក្រសួងមហាផ្ទៃ ០៣ គ្រឿង ពុំបានប្រើប្រាស់ទឹក ,រថយន្តសាលាខណ្ឌច្បារអំពៅ ០១ គ្រឿង ប្រើប្រាស់ទឹក ០១ ឡាន ស្មើនឹង ០៤ ម៉ែត្រគូប ,រថយន្តទីក្រុងនរា ០២ គ្រឿង ប្រើប្រាស់ទឹកអស់ ០២ ឡាន ស្មើនឹង ០៨ ម៉ែត្រគូប , រថយន្តបុរីប៉េងហួត ០២ គ្រឿង ប្រើប្រាស់ទឹកអស់ ០២ ឡាន ស្មើនឹង ១២ ម៉ែត្រគូប។ រហូតទៅដល់ម៉ោង ១១ និង ៣០ នាទីយប់ នាថ្ងៃខែឆ្នាំដដែល ទើបអាចគ្រប់គ្រងបានទាំងស្រុង ដោយមិនមានមនុស្សរងរបួសនោះទេ និងមិនរាលដាលដល់ផ្ទះប្រជាពលរដ្ឋឡើយ។