អ្នកមានបញ្ហាដីធ្លីម្នាក់ អរគុណសម្ដេច​ ហ៊ុន ម៉ាណែត ដែលជួយរកយុត្តិធម៌ឱ្យ

អ្នកមានបញ្ហាដីធ្លីម្នាក់ ឈ្មោះថា អ៊ុត គីមអេង រស់នៅភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ​​ បានសរសេរលើគណនីហ្វេសប៊ុកមានឈ្មោះថា OT Thailand ដើម្បីជាជាការអរគុណដល់សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា។ ដែលបានជួយដោះស្រាយបញ្ហាដីធ្លីរបស់ខ្លួន ដោយត្រូវបានអតីតស្មៀនឃុំ និង អនុប្រធានភូមិឃុបឃិតគ្នា បំពានយកទៅលក់បន្ត ក្រោយម្ដាយរបស់អ្នកស្រីបានស្លាប់។

ដំណើរនៃការរកយុត្តិធម៌លើបញ្ហាដីធ្លីនេះ គឺតាមរយៈលោក ប៉ាន់ ខែមប៊ុនថន នាយករងខុទ្ទកាល័យ សម្ដេចនាយករដ្ឋមន្ត្រីកម្ពុជា ចុះដោះស្រាយបញ្ហាដីធ្លីនេះ ​ដែលជាបញ្ហាទំនាស់មួយនៅក្នុងចំណោមរឿង២១ករណី​ នៅឃុំអូរបីជាន់។

ជាមួយគ្នានេះ អ្នកស្រី អ៊ុត គីមអេង ក៏បានអរគុណដល់សម្ដេច ហ៊ុន ម៉ាណែត និង លោក ប៉ាន់ ខែមប៊ុនថន ដែលបានជួយរកយុត្តិធម៌ជូនអ្នកស្រី។

តាមរយៈគណនីហ្វេសប៊ុក OT Thailand “នាងខ្ញុំ សូមលើកម្រាមដៃដប់ ពីចំងាយបួងសួង ដល់វត្ថុស័ក្កសិទ្ធិទូរទាំងប្រទេសកម្ពុជាសូម ឲ្យលោក ជួយតាមថែរក្សាថ្នាក់ដឹកនាំ សម្ដេចមហាបវរធិបតី ហ៊ុន ម៉ាណែត និង លោកបណ្ឌិត ប៉ាន់ខែម ប៊ុនថន ឲ្យជួបតែសេចក្ដីសុខ មានសុខភាពរឹងមាំ ជាម្លប់សន្តិភាព ឲ្យប្រជារាស្រ្ដទូរទាំងប្រទេសកម្ពុជា” ៕