សន្តិសុខសង្គម

ឆ្លងចរន្តចេញពីអាគុយរថយន្តហាយប្រីតឆេះផ្ទះលក់គ្រឿងបន្លាស់រថយន្តមួយកន្លែង យ៉ាងសន្ធោសន្ធៅ

បានផុស

១ year មុន

នៅ

ថ្ងៃអង្គារ ២៦ កញ្ញា ២០២៣

ដោយ

ភ្នំពេញ ៖ អគ្គិភ័យមួយបានកើតឡើងឆាបឆេះផ្ទះលក់គ្រឿងបន្លាស់រថយន្តមួយកន្លែង យ៉ាងសន្ធោសន្ធៅ បង្កឲ្យមានការភ្ញាក់ផ្អើលបងប្អូនប្រជាពលរដ្ឋនិងសមត្ថកិច្ចចុះអន្តរាគមន៍កាលពីវេលាម៉ោង ៨និង ៤៥ នាទីយប់ថ្ងៃទី ២៦ ខែកញ្ញាឆ្នាំ ២០២៣ នៅតាមបណ្ដោយផ្លូវ ១៥៦ កែងនឹងផ្លូវ ២៣៧ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានហើយដឹងថាមុនកើតហេតុ ផ្ទះលក់គ្រឿងបន្លាស់រថយន្តខាងលើនេះ ម្ចាស់ផ្ទះចាក់សោរ ហើយចេញទៅក្រៅបាត់ លុះដល់ម៉ោងកើតហេតុខាងលើប្រជាពលរដ្ឋដែលនៅក្បែរខាងក៏ឃើញមានហុយផ្សែងចេញជាអណ្ដាតភ្លើងឆេះយ៉ាងសន្ធោសន្ធៅ ទើបបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋនៅកន្លែងកើតហេតុនាំគ្នាជួយយកបំពង់ពន្លត់អគ្គិភ័យជាច្រើនបំពង់និងតទុយោទឹកបាញ់ពន្លត់ភ្លាមៗនិងបានទំនាក់ទំនងទៅសមត្ថកិច្ចហៅរថយន្តពន្លត់អគ្គិភ័យចំនួនពីរគ្រឿងមកអន្តរាគមន៍ជួយបាញ់ពន្លត់នៅកន្លែងកើតហេតុ។

សមត្ថកិច្ចបានបញ្ជាក់ថា ករណីអគ្គិភ័យឆាបឆេះផ្ទះលក់គ្រឿងបន្លាស់រថយន្តខាងលើនេះគឺបណ្ដាលមកពីឆ្លងអាគុយហាយប្រីត។

ចំពោះករណីអគ្គិភ័យខាងលើនេះ មិនបណ្តាលឲ្យមានអ្នកណារងរបួសនោះទេ គ្រាន់តែខូចខាតសម្ភារៈគ្រឿងបន្លាស់រថយន្តមួយចំនួន ដោយប្រើប្រាស់អស់ទឹកមួយរថយន្ត បានរលត់ទៅវិញជាស្ថាពរ៕

ដោយ ៖ សុខា