សន្តិសុខសង្គម

រថយន្តកុងតឺន័រ បើកកិនសិស្សសាលាជាស៊ីមសាមគ្គីម្នាក់ស្លាប់

បានផុស

១ year មុន

នៅ

ថ្ងៃចន្ទ ២ តុលា ២០២៣

ដោយ

ភ្នំពេញ ៖ យុវជនជាសិស្សសាលាជាស៊ីមសាមគ្គីម្នាក់ បានស្លាប់ភ្លាមៗនៅនឹងកន្លែងកើតហេតុយ៉ាងអាណោចអាធ័មបំផុត ខណៈកំពុងជិះម៉ូតូបានទាក់ដៃចង្កូតជាមួយរ៉ឺម៉កដួលទៅលើថ្នល់ត្រូវបានរថយន្តកុងតឺន័រកិនបែកក្បាល កាលពីវេលាម៉ោង៣និង១០នាទីរសៀល ថ្ងៃទី២ ខែតុលា ឆ្នាំ២០២៣ នៅតាមបណ្តោយផ្លូវចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះលៀប ភេទប្រុស អាយុ១៨ឆ្នាំ មុខរបរជាសិស្សរៀនថ្នាក់ទី១១ នៃវិទ្យាល័យជាស៊ីមសាមគ្គី ស្នាក់នៅសង្កាត់អូរបែកក្អម ខណ្ឌសែនសុខ។

តាមប្រភពព័ត៌មានបានឱ្យដឹងថា មុនពេលកើតហេតុបានឱ្យដឹងថា មុនពេលកើតហេតុគេបានឃើញជនរងគ្រោះជិះម៉ូតូម៉ាកស្គូពី ពណ៌ស ពាក់ស្លាកលេខភ្នំពេញ1JN-5471 ធ្វើដំណើរតាមបណ្តោយផ្លូវចោមចៅក្នុងទិសដៅពីកើតទៅលិច ខណៈមកដល់ចំណុចកើតហេតុបានទាក់ដៃចង្កូតជាមួយរ៉ឺម៉កបណ្តាលឱ្យដួលទៅលើថ្នល់ ពេលនោះមានរថយន្តកុងតឺន័រ ពណ៌ស ពាក់ស្លាកលេខតាកែវ3A-1014 ធ្វើដំណើរមកពីក្រោយជ្រុលទៅកិនបណ្តាលឱ្យជនរងគ្រោះបែកក្បាលធ្លាយខួរស្លាប់យ៉ាងអាណោចអាធ័ម ហើយរថយន្តបង្កបើកបានប្រហែលជិតមួយគីឡូម៉ែត្រទើបឈប់រថយន្តចុះរត់គេចខ្លួនបាត់តែម្តង។

ក្រោយកើតហេតុសមត្ថកិច្ចបានចុះមកដល់ចំណុចកើតហេតុ ហើយទំនាក់ទំនងទៅជំនាញមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយពេលក្រោយ។ ចំណែកសពត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី៕

ដោយ ៖ សុខា