Update៖ អគ្គិភ័យដែលឆេះផ្ទះពលរដ្ឋនៅជិតវត្តដំបូកខ្ពស់បានរលត់ទាំងស្រុងហើយ និងរងរបួសមនុស្សម្នាក់

ករណីអគ្គិភ័យដែលឆាបឆេះផ្ទះប្រជាពលរដ្ឋយ៉ាងសន្ធោសន្ធៅនៅជិតវត្តដំបូកខ្ពស់ ត្រូវបានកម្លាំងជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ធ្វើការអន្តរាគមន៍គ្រប់គ្រងបានទាំងស្រុងហើយ នៅវេលាម៉ោង១០ ព្រឹកថ្ងៃទី១៨តុលានេះ ដោយមានបុរសម្នាក់រងររបួស និងបានបញ្ជូនទៅសង្គ្រោះ។ ករណីនេះក៏បណ្ដាលឲ្យខូចខាតផ្ទះមួយខ្នង ធ្វើអំពីឈើលើ ថ្មក្រោមអស់ទាំងស្រុង។

កាលពីវេលាម៉ោង៩និង២០នាទីព្រឹកថ្ងៃទី១៨តុលានេះ មានករណីអគ្គិភ័យមួយបានឆាបឆេះផ្ទះប្រជាពលរដ្ឋមួយកន្លែងយ៉ាងសន្ធោសន្ធៅនៅជិតវត្តដំបូកខ្ពស់ ក្នុងសង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។

ពាក់ព័ន្ធករណីនេះ សមត្ថកិច្ចនៅមិនទាន់បញ្ជាក់ពីមូលហេតុនៃការឆាបឆេះនៅឡើយទេ ខណៈការជួយអន្តរាគមន៍ត្រូវបានប្រើប្រាស់រថយន្ដពន្លត់អគ្គិភ័យជាច្រើនគ្រឿង៕