នគរបាលព្រហ្មទណ្ឌក្រសួងមហាផ្ទៃ ចុះឡោមព័ទ្ធខុនដូមួយកន្លែងពាក់ព័ន្ធករណីថតរឿង និងចែកចាយវីដេអូអាសអាភាស

កម្លាំងនគរបាលព្រហ្មទណ្ឌក្រសួងមហាផ្ទៃ បានចុះឡោមព័ទ្ធខុនដូមួយកន្លែងពាក់ព័ន្ធករណីថតរឿង និងចែកចាយវីដេអូអាសអាភាស ដោយឃាត់ខ្លួនជនបរទេស និងនារីជាជនជាតិខ្មែរជាច្រើននាក់។

ប្រតិប្តត្តិការនេះបានធ្វើឡើងកាលពីវេលាម៉ោង៨យប់ ថ្ងៃទី២៤ ខែតុលា ឆ្នាំ២០២៣ នៅចំណុចខុនដូ(វ៉ាវ ណាវ)(WOW NOW) ជាន់ទី០៩ តាមបណ្ដោយផ្លូវលេខ៣១០ ក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។

ក្នុងប្រតិប្តតិការនេះ កម្លាំងនគរបាលបានឃាត់ខ្លួនមនុស្សប្រុសស្រីជាជនជាតិបទេស និងនារីជនជាតិខ្មែរជាង៥០​នាក់​យកទៅសួរនាំនៅក្រសួងមហាផ្ទៃ។

បើតាមមន្ត្រីជំនាញ មុនឈានដល់ការបង្ក្រាបនេះ គឺ​បន្ទាប់ពីបែកធ្លាយខ្សែភាពយន្តខ្លីបែបក្ដៅសាច់​រវាងនារីខ្មែរ​ និងជនបរទេសនៅលើបណ្ដាញសង្គម​៕

អត្ថបទ៖ សុខា