សន្តិសុខសង្គម
ក្រុមបាញ់រះជាង២០០គ្រាប់នៅភ្នំគិរីរម្យ៤នាក់បានចូលខ្លួនសារភាព ខណៈម្ចាស់ទីតាំងកំពុងគេចខ្លួន
មន្ត្រីនគរបាលជាន់ខ្ពស់ នៃស្នងការដ្ឋាននគរបាលខេត្តកំពង់ស្ពឺ បង្ហើបប្រាប់នៅថ្ងៃទី១៥ ខែវិច្ឆិកា ឆ្នាំ២០២៣ នេះថា ក្រុមមុខជនសង្ស័យដែលបង្កការបាញ់បោះសេរីយ៉ាងអាណាធិបតេយ្យក្នុងតំបន់ចំការតែលើឧទ្យានជាតិ «ព្រះកុសមៈ គិរីរម្យ» កាលពីសប្តាហ៍មុនល្បីល្បាញកក្រើកពេញផ្ទៃប្រទេសនោះ បានចូលខ្លួនបង្ហាញមុខចំពោះសមត្ថកិច្ចនគរបាលការិយាល័យសន្តិសុខផ្ទៃក្នុង នៃស្នងការដ្ឋានខេត្តកំពង់ស្ពឺ ដោយនាំយកមកទាំងវត្ថុតាងផងដែរ។
![](https://www.kampucheathmey.com/wp-content/uploads/2023/11/photo_2023-11-15_13-31-35-1024x768.jpg)
តាមប្រភពព័ត៌មាន បានឱ្យដឹងបន្ថែមទៀតថា «ក្រុមខ្មាន់កាំភ្លើងចំនួន៤នាក់ ដែលបាញ់បោះសេរីក្នុងកម្មវិធីផឹកស៊ីសប្បាយអបអរសាទរថ្ងៃខួបកំណើត ស្ថិតក្នុងដីចំការលំហែរផ្ទះក្រហមលើឧទ្យានជាតិ ព្រះកុសមៈ គិរីរម្យ ក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ បាននាំយកទាំងអាវុធជាវត្ថុតាងចូលខ្លូនមកសារភាពកំហុស នៅការិយាល័យសន្តិសុខផ្ទៃក្នុង នៃស្នងការនគរបាលខេត្តកំពង់ស្ពឺ»។
![](https://www.kampucheathmey.com/wp-content/uploads/2023/11/photo_2023-11-15_13-31-25-1024x768.jpg)
លោកឧត្តមសេនីយ៍ត្រី ញ៉ែម សៅ ស្នងការរងទទួលការងារព្រហ្មទណ្ឌ នៃស្នងការដ្ឋានគរបាលខេត្តកំពង់ស្ពឺ នៅថ្ងៃពុធ ទី១៥ ខែវិច្ឆិកា ឆ្នាំ២០២៣ មិនទំនាក់ទំនងសុំការបញ្ជាក់បន្ថែម ករណីជនពាក់ព័ន្ធក្នុងការបាញ់បោះសេរីលើខ្នងភ្នំគិរីរម្យនោះបានឡើយ។ ដោយឡែក លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានប្រាប់សារព័ត៌មានក្នុងស្រុក នៅព្រឹកថ្ងៃទី១៥ ខែវិច្ឆិកា ឆ្នាំ២០២៣ ឲ្យដឹងថា ករណីនេះ នគរបាលកំពុងបន្តនីតិវិធី មិនទាន់បានបញ្ជូនខ្លួននរណាម្នាក់ទៅតុលាការនោះទេ ដោយមានអ្នកពាក់ព័ន្ធចំនួន៤នាក់ចូលខ្លួនមកសារភាពរួមជាមួយអាវុធ ៣ដើម ហើយមេក្លោងជាម្ចាស់ផ្ទះលំហែ ទីតាំងកើតហេតុការណ៍បាញ់បោះសេរីនេះ ក៏ជាកម្មសិទ្ធរបស់ឈ្មោះ កង តារាវិឆៃ ហៅ កង ឆាយ កំពុងរត់គេចខ្លួន។
![](https://www.kampucheathmey.com/wp-content/uploads/2023/11/photo_2023-11-15_13-31-22-1024x768.jpg)
តាមប្រភពព័ត៌មានពីមន្ត្រីតុលាការខេត្តកំពង់ស្ពឺ បានបញ្ជាក់ថា ក្រុមជនបង្កការបាញ់បោះសេរី ក្នុងតំបន់ចំការតែ លើឧទ្យាជាតិ ព្រះកុសមៈ គិរិរម្យ កាលកន្លងទៅថ្មីនេះ ពិតជាមានបានចូលសារភាពពិតប្រាកមែន តាមដីកាបង្គាប់ឱ្យចូលខ្លួន ប៉ុន្តែអត្តសញ្ញាណយើងមិនទាន់អាចបង្ហាញជាសាធារណបាននោះទេ ព្រោះកំពុងស្ថិតក្នុងការតាមដាន ហើយពេលនេះ ជនទាំង៤នាក់នាក់សមត្ថកិច្ចជំនាញផ្នែកសន្តិសុខកំពុងសាកសួរតាមនិតិវិធី។
![](https://www.kampucheathmey.com/wp-content/uploads/2023/11/photo_2023-11-15_13-31-14-1024x768.jpg)
សូមរំឭកថា កាលពីយប់ថ្ងៃទី១១ ខែវិច្ឆិកា ឆ្នាំ២០២៣ កន្លងទៅ ក្នុងទីតាំងដីចំការលំហែ ផ្ទះក្រហម ស្ថិតក្នុងតំបន់ចំការតែលើឧទ្យានជាតិ «ព្រះកុសមៈ គិរីរម្យ» មានរៀបចំកម្មវិធីខួបកំណើតរបស់ម្ចាស់ចំការមានឈ្មោះ កង តារាវិឆៃ ហៅ កង ឆាយ ជាមន្ត្រីនគរបាល នៃអគ្គស្នងការនគរបាលជាតិ ដោយមានការជួបជុំគ្នាផឹកស៊ីសប្បាយយ៉ាងគគ្រឹកគគ្រេងចាក់ធុងបាស់រហូតដល់ស្រវឹង ស្រាប់តែនៅយប់នោះមានឮសំឡេងផ្ទុះអាវុធយ៉ាងច្រើនគ្រាប់បង្កឱ្យប្រជាពលរដ្ឋភ័យខ្លាច ប៉ុន្តែមិនរំខានសមត្ថកិច្ចនោះទេ ដោយក្រុមនេះប្រហែលបាញ់បោះពីយប់មិនអស់ចិត្ត និងចង់បង្ហាញឥទ្ធិពលរបស់ខ្លួនព្រឹកថ្ងៃទី១២ វិច្ឆិកា បានផ្ទុះអាវុធបន្ថែមទៀត។
![](https://www.kampucheathmey.com/wp-content/uploads/2023/11/photo_2023-11-15_13-31-10.jpg)
ក្រោយការផ្ទុះអាវុធបាញ់បោះសេរីល្បីល្បាញពេញផ្ទៃប្រទេស នៅព្រឹកថ្ងៃទី១៣ ខែវិច្ឆិកា អាជ្ញាធរខេត្តកំពង់ស្ពឺ បានបង្កើតគណៈកម្មការចម្រុះចុះទៅពិនិត្យទីតាំងកន្លែងកើតហេតុសាកសួរសាក្សី និងប្រមូលសំបកគ្រាប់កាំភ្លើងវែងខ្លីប្រមាណជាង ២០០គ្រាប់ និងបានកំណត់អត្តសញ្ញាណក្រមជនបង្កដើម្បីបន្តនិតិវិធីតាមផ្លូវច្បាប់។
![](https://www.kampucheathmey.com/wp-content/uploads/2023/11/photo_2023-11-15_13-31-07-1024x768.jpg)
គិតត្រឹមរសៀលថ្ងៃទី១៥ ខែវិច្ឆិកា ឆ្នាំ២០២៣នេះ ក្រុមអ្នកសារព័ត៌មាន ព្យាយាមទំនាក់ទំនងសុំអត្តសញ្ញាក្រុមជនបង្កទាំង៤នាក់ដែលចូលខ្លូនមកសារភាព ប៉ុន្តែមិនទាន់មានការបញ្ជាក់ប្រាប់នោះទេ ព្រោះសមត្ថកិច្ចអះអាងកំពុងស្ថិតក្នុងការស្រាវជ្រាវ និងតាមដាននៅឡើយ៕
អត្ថបទ៖ ភួង រដ្ឋា
![](https://www.kampucheathmey.com/wp-content/uploads/2023/11/photo_2023-11-15_13-30-57.jpg)
![](https://www.kampucheathmey.com/wp-content/uploads/2023/11/photo_2023-11-15_13-31-30-768x1024.jpg)
![](https://www.kampucheathmey.com/wp-content/uploads/2023/11/photo_2023-11-15_13-31-01-602x1024.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ