សន្តិសុខសង្គម
ចាប់ខ្លួនអគ្គនាយករដ្ឋក្រុមហ៊ុនអចលនទ្រព្យមួយតាមដីកាតុលាការខេត្តកំពង់ស្ពឺ
មន្ត្រីប៉េអឹមខេត្តកំពង់ស្ពឺ បានឃាត់ខ្លួនអគ្គនាយកក្រុមហ៊ុនអចលនទ្រព្យតេជមានជ័យ ឌីវេឡុបម៉ិន រៀលអ៊ិស្ទេត និងប្រពន្ធ តាមអំណាចដីកាបង្គាប់ឱ្យចាប់ខ្លួនរបស់ចៅក្រមស៊ើបសួរ នៃសាលាដំបូងខេត្តកំពង់ស្ពឺក្រោមបទចោទ «លួចលក់អចលនវត្ថុដែលមិនមែនជារបស់ខ្លួន» និង បទ «សមគំនិតក្នុងអំពើលួចលក់អចលនវត្ថុដែលមិនមែនជារបស់ខ្លួន»។
មន្ត្រីកងរាជអាវុធហត្ថខេតត្តកំពង់ស្ពឺបានប្រាប់់ឱ្យដឹងនៅថ្ងៃទី១៧ ខែធ្នូ ឆ្នាំ២០២៣ នេះថា ជនត្រូវចោទចំនួន ០២ នាក់ ប្តី-ប្រពន្ធ ត្រូវបានចាប់ខ្លួនតាមដីការបស់តុលាការខេត្តកំពង់ស្ពឺ កាលពីថ្ងៃទី១៦ ខែធ្នូម្សិលមិញ ក្រោមបទចោទលួចលក់អចលនវត្ថុដែលមិនមែនជារបស់ខ្លួន ប្រព្រឹត្តនៅភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ កាលពីថ្ងៃទី៣១ ខែមីនា ឆ្នាំ២០២១។

ដោយមានការសម្របសម្រួលនិតិវិធីពីលោកព្រះរាជអាជ្ញាអមសាលាដំបូងខេត្តកំពង់ស្ពឺ កម្លាំងព្រហ្មទណ្ឌកងរាជអាវុធហត្ថខេត្ត បានចុះអនុវត្តដីកាបង្គាប់ឱ្យចាប់ខ្លួនលេខ ៥៣៧ ចុះថ្ងៃទី ២៤ ខែតុលា ឆ្នាំរបស់លោក នាង ស៊ីណៃ ចៅក្រមស៊ើបសួរនៃសាលាដំបូងខេត្តកំពង់ស្ពឺ បានបង្គាប់ឱ្យចាប់ខ្លួនឈ្មោះ ទិត តុន ភេទប្រុស អាយុ ៤២ ឆ្នាំ មានទីលំនៅបច្ចុប្បន្ន ភូមិអង្គសេរី សង្កាត់សុព័រទេព ក្រុងច្បារមន ជាអគ្គនាយកក្រុមហ៊ុន អចលនទ្រព្យតេជមានជ័យ ឌីវីឡុបម៊ិន រៀលអ៊ិស្ទេត ពីបទ «លួចលក់អចលនវត្ថុដែលមិនមែនជារបស់ខ្លួន តាមមាត្រា ២៥៥ នៃច្បាប់ភូមិបាល ប្រព្រឹត្តនៅភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ កាលពីថ្ងៃទី៣១ ខែមីនា ឆ្នាំ២០២១» និងបទៈ «សមគំនិតក្នុងអំពើលួចលក់អចលនវត្ថុដែលមិនមែនជារបស់ខ្លួន តាមមាត្រា ២៨ នៃក្រមព្រហ្មទណ្ឌ និងមាត្រា ២៥៥ នៃច្បាប់ភូមិបាល ប្រព្រឹត្តនៅភូមិ ត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ កាលពីថ្ងៃទី១០ ខែឧសភា ឆ្នាំ២០២១»។

ចំណែកស្ត្រីជាប្រពន្ធមានឈ្មោះ អ៊ឹង ណៃហួយ អាយុ ៣៣ ឆ្នាំ មានទីលំនៅភូមិអង្គសេរី សង្កាត់រកាធំ ក្រុងច្បារមន ត្រូវបានចាប់់ខ្លួនតាមដីកាលេខ ៥៣៨ របស់ចៅក្រមស៊ើបសួរ ជាប់ចោទពីបទៈ «រំលោភលើទំនុកចិត្ត តាមមាត្រា៣៨១ និងមាត្រា ៣៩៦ នៃក្រុមព្រហ្មទណ្ឌ» ប្រព្រឹត្តនៅភូមិអង្គសេរី សង្កាត់រកាធំ ក្រុងច្បារមន ខេត្តកំពង់ស្ពឺ កាលពីថ្ងៃទី០៧ ខែឧសភា ឆ្នាំ២០២១។
បច្ចុប្បន្ន កងរាជអាវុធហត្ថខេត្តកំពង់ស្ពឺ កំពុងបំពេញនិតិវិធីនិងបញ្ជូនទៅកាន់តុលាការ ដើម្បីចាត់ការបន្តតាមផ្លូវច្បាប់៕
អត្ថបទ៖ ភួង រដ្ឋា

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?