រយៈពេល១សប្ដាហ៍៍ សមត្ថកិច្ចឃាត់ខ្លួនជនសង្ស័យ៧៩នាក់ ពាក់ព័ន្ធករណីព្រហ្មទណ្ឌ

ក្នុងរយៈពេលមួយសប្តាហ៍គិតចាប់ពីថ្ងៃទី១០ រហូតដល់ថ្ងៃទី១៦ ខែធ្នូ ឆ្នាំ២០២៣ សមត្ថកិច្ចបានឃាត់ខ្លួនជនសង្ស័យ ៧៩នាក់ ដែលពាក់ព័ន្ធករណីមុខសញ្ញាព្រហ្មទណ្ឌទូទៅចំនួន៥៧ករណី ។ នេះបើតាមការឱ្យដឹងរបស់អ្នកនាំពាក្យរងក្រសួងមហាផ្ទៃ នៅល្ងាចថ្ងៃទី១៨ ខែធ្នូនេះ។

អ្នកនាំពាក្យរងក្រសួងមហាផ្ទៃ បន្ថែមថា ក្នុងចំណោម បទល្មើសព្រហ្មទណ្ឌទាំង៥៧ករណី មានករណីអំពើហិង្សា១៩ករណី លួចចំនួន ២៨ករណី លួច (ឆក់)មាន ៤ករណី ឆបោក២ករណី និងក្រៅពីនេះ ករណីលួចមានស្ថាន ទម្ងន់ទោស(ប្លន់) ឃាតកម្ម មនុស្ស ឃាតដោយអចេតនា រំលោភសេពសន្ថវៈ មានតែមួយករណីប៉ុណ្ណោះ ដែលបាន កើតឡើងនៅទូទាំងប្រទេស។

អ្នកនាំពាក្យដដែលរូបនេះក៏បន្ថែមទៀតថា សមត្ថកិច្ចនៅតាមបណ្ដារាជធានីគ្រប់ខេត្តក្រុងទាំងអស់ បាននិងកំពុងបន្ត យក ចិត្តទុកដាក់យ៉ាងខ្លាំងក្លា ដើម្បីបង្ការ និងបង្ក្រសបបទល្មើសទាំងឡាយ ជា ពិសេសនៅក្នុងបទល្មើសដែលពាក់ព័ន្ធទិដៅអាទិភាពទាំង៦ ដែល ឯកឧត្តម អភិសន្តិបណ្ឌិតឧបនាយករដ្ឋមន្ត្រី បានដាក់ចេញ និងតែងក្រើន រម្លឹកជារឿយៗដល់ ស្ថាប័នពាក់ព័ន្ធ ក្រោមឱវាទ ក្រសួងមហាផ្ទៃ៕