សន្តិសុខសង្គម

រថយន្តមួយគ្រឿងកំពុងបើកបរលើផ្លូវសុខៗ ស្រាប់តែឆេះយ៉ាងសន្ធោសន្ធៅ

បានផុស

១ year មុន

នៅ

ថ្ងៃពុធ ២០ ធ្នូ ២០២៣

ដោយ

ភ្នំពេញ ៖ រថយន្តម៉ាក Range Rover មួយគ្រឿង បើកទើបតែចេញពីជាងជួសជុលរួចក៏បើកសាកល្បងបែរជាឆ្លងចរន្តអគ្គិសនីឆេះយ៉ាងសន្ធោសន្ធៅ បង្កការភ្ញាក់ផ្អើល កាលពីវេលាម៉ោង០៤ និង ៥០នាទីល្ងាច ថ្ងៃទី២០ ខែធ្នូ ឆ្នាំ២០២៣ នៅចំណុចជិតទីលានវ៉ៃកូនហ្គោល តំបន់បឹងកក់ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឱ្យដឹងថា នៅមុនពេលកើតហេតុ បុរស០២នាក់ជាជាងជួសជុល បានបើករថយន្ត Range Rover ពណ៌ស ពាក់ស្លាកលេខ ភ្នំពេញ 2AN-3688 ដែលភ្ញៀវយកមកធ្វើ ខណៈនោះ ស្រាប់តែមានផ្សែងចេញពីខាងក្នុងរថយន្តផ្នែកខាងមុខ បង្កជាអណ្តាតភ្លើងឆេះយ៉ាងសន្ធោសន្ធៅ ភ្លាមនោះសន្តិសុខនៅក្នុងបឹងកក់ បានជួយយកបំពង់ពន្លត់អគ្គិភ័យជួយបាញ់ពន្លត់ និងបានបន្តទាក់ទងទៅសមត្ថកិច្ចឱ្យជួយមកអន្តរាគមន៍។

ក្រោយពីទទួលបានព័ត៌មានភ្លាមក្រុមមន្ត្រីបង្ការ និង ពន្លត់អគ្គិភ័យបានចេញមកអន្តរាគមន៍ភ្លាមៗ។

ក្នុងប្រតិបត្តិការនេះដែរ បានប្រើប្រាស់រថយន្តពន្លត់អស់ចំនួន០២គ្រឿង មានរថយន្តស្នងការដ្ឋាននគរបាលរដ្ឋបាលរាជធានីភ្នំពេញ បាញ់រលត់ជាស្ថាពរ។ ចំពោះមូលហេតុ សមត្ថកិច្ចសន្និដ្ឋានជំហានដំបូងថា គឺបណ្ដាលមកពីឆ្លងចរន្តអគ្គិសនី៕

ដោយ ៖ សុខា