សន្តិសុខសង្គម

អ្នកនាំពាក្យ៖ ការចុះឆែកឆេរផ្ទះមន្ត្រីនគរបាលក្រសួងមហាផ្ទៃនៅខណ្ឌឬស្សីកែវពាក់ព័ន្ធករណីទទួលផលចោរកម្មមិនមានការឃាត់ខ្លួនម្ចាស់ទីតាំងនោះទេ

បានផុស

១២ ខែ មុន

នៅ

ថ្ងៃអង្គារ ២៦ ធ្នូ ២០២៣

ដោយ

កាលពីថ្ងៃទី២២ ខែធ្នូ ឆ្នាំ២០២៣ កម្លាំងនគរបាលព្រហ្មទណ្ឌខេត្តកំពង់ស្ពឺ បានសហការជាមួយកម្លាំងនគរបាលនៃអធិការដ្ឋាននគរបាលខណ្ឌឬស្សីកែវ ចុះឆែកឆេរត្រួតពិនិត្យផ្ទះមន្ត្រីនគរបាលក្រសួងមហាផ្ទៃម្នាក់ ពាក់ព័ន្ធករណីទទួលផលចោរកម្មពីអ្នកគាស់រោងចក្រលួចយកសំលៀកបំពាក់យ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីលោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញនៅយប់ថ្ងៃទី២៥ធ្នូនេះ ក្នុងប្រតិបត្តិការនេះមិនមានការឃាត់ខ្លួនម្ចាស់ទីតាំងនោះទេ គឺដកហូតតែវត្ថុតាងមួយចំនួនប៉ុណ្ណោះ។

លោកវរសេនីយ៍ឯក សំ វិច្ឆិកា បានបញ្ជាក់ថា ក្នុងប្រតិបត្តិការនេះកម្លាំងសមត្ថកិច្ចចុះឆែកឆេរត្រួតពិនិត្យដកហូតវត្ថុតាំងជាសំលៀកបំពាក់មួយចំនួនតែប៉ុណ្ណោះដោយដកហូតបានខោចំនួន៩១៤ និងអាវចំនួន១៦ ដោយមិនមានការឃាត់ខ្លួនម្ចាស់ទីតាំងនោះទេ ហើយកិច្ចការងារនេះ ខាងអយ្យការខេត្តកំពង់ស្ពឺជាអ្នកអនុវត្តបន្ត។

គួររំលឹកថា កាលពីថ្ងៃទី២២ ខែធ្នូ ឆ្នាំ២០២៣ កម្លាំងនគរបាលព្រហ្មទណ្ឌខេត្តកំពង់ស្ពឺ បានសហការជាមួយកម្លាំងនគរបាលនៃអធិការដ្ឋាននគរបាលខណ្ឌឬស្សីកែវ ចុះឆែកឆេរត្រួតពិនិត្យផ្ទះមន្ត្រីនគរបាលក្រសួងមហាផ្ទៃម្នាក់នៅចំណុចផ្ទះលេខ១០៥ ផ្លូវ៥១៩G ភូមិទួលថ្ងាន់ សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ ពាក់ព័ន្ធករណីទទួលផលចោរកម្មពីអ្នកគាស់រោងចក្រលួចយកសំលៀកបំពាក់។