ដោះស្រាយ​បញ្ចប់​​ទំនាស់ដីធ្លី ២១ ករណីក្នុង​ខេត្តបាត់ដំបង​​ក្នុងខែធ្នូឆ្នាំ ២០២៣

អាជ្ញាធរ​ខេត្តបាត់ដំបង​បានគូស​​បញ្ជាក់ថា នៅក្នុងខែធ្នូ ឆ្នាំ២០២៣ អាជ្ញាធរ​ខេត្តបាត់ដំបងបានដោះស្រាយបញ្ចប់​ជាស្ថាពរទំនាស់ដីធ្លី​បាន​ចំនួន ២១ ករណី និង​នៅសល់ ០១ ករណីកំពុងដោះស្រាយបន្ត។

ករណីទំនាស់ដីធ្លីគេតែងសង្កេតឃើញកើត​ឡើង​ដោយសារ​គ្មានការយោគយល់គ្នា ចង់ឈ្នះចង់​ចាញ់រៀងខ្លួន បើទោះបីអាជ្ញាធរថ្នាក់មូលដ្ឋានព្យាយាមសម្របសម្រួល ក៏មិនទទួលយកបានដែលបង្កឲ្យអាជ្ញាធរមូលដ្ឋានអស់លទ្ធភាព ក៏បញ្ជូនឲ្យ​រដ្ឋបាលខេត្តបន្តរកដំណោះស្រាយ។ ក្នុងនោះករណីមួយចំនួនភាគីទំនាស់ក៏បានប្តឹងចូលតុលាការផងដែរ។ នេះបើយោងតាមប្រភពពីអាជ្ញាធរមូលដ្ឋានតាមបណ្តាស្រុកបានលើកឡើងឲ្យដឹងប្រហាក់ប្រហែលគ្នា។

បើតាម​រដ្ឋបាល​ខេត្ត​បាត់ដំបង សរុបចាប់តាំងពីខែតុលា ឆ្នាំ ២០២២ អាជ្ញាធរ​ខេត្តបានដោះស្រាយបញ្ចប់ជូនប្រជាពលរដ្ឋបាន​ចំនួន ២៦៩ ករណី៕

អត្ថបទ៖ សៅ សារិទ្ធ