សន្តិសុខសង្គម

ជាងផ្សារដែកម្នាក់ លើកដែកទីបប៉ះខ្សែកាបបណ្ដាលឱ្យឆក់ធ្លាក់រងរបួសធ្ងន់

បានផុស

៨ ខែ មុន

នៅ

ថ្ងៃអង្គារ ១៦ មករា ២០២៤

ដោយ

ភ្នំពេញ ៖ បុរសជាជាងផ្សារដែកម្នាក់បានរងរបួសធ្ងន់ ត្រូវបានរថយន្តសង្គ្រោះរបស់អង្គភាព711 កងពលតូចលេខ70 ដឹកបញ្ជូនទៅមន្ទីរពេទ្យភ្លាមៗ បន្ទាប់ពីឡើងលើដំបូលដើម្បីសាងសង់រោងលើកដែកទីបប៉ះខ្សែកាបឆ្លងឆក់ធ្លាក់ចុះមកក្រោមវិញ។

ហេតុការណ៍នេះ បានកើតឡើងកាលពីវេលាម៉ោង៥និង៣៨នាទីល្ងាច ថ្ងៃទី១៦ ខែមករា ឆ្នាំ២០២៤ តាមផ្លូវ៣០ម៉ែត្រ ភូមិរកាកុះ សង្កាត់ព្រៃស ខណ្ឌដង្កោ រាជធានីភ្នំពេញ។ ជនរងគ្រោះ ឈ្មោះ សុន វណ្ណឌី ភេទប្រុស អាយុ២៥ឆ្នាំ មុខរបរជាជាងផ្សារដែក។

តាមប្រភពព័ត៌មានបានឱ្យដឹងថា មុនពេលកើតហេតុជនរងគ្រោះនិងក្រុមការងារបានយកដែកសាងសង់រោងមួយកន្លែង ខណៈកំពុងសាងសង់ដោយឡើងផ្សារធ្នឹមខាងលើលើកដែកទីបដើម្បីផ្សារស្រាប់តែលើកទៅប៉ះខ្សែកាបឆ្លងភ្លើងឆក់ បណ្តាលឱ្យធ្លាក់ចុះមកក្រោមរងរបួសធ្ងន់។ ក្រោយកើតហេតុជនរងគ្រោះត្រូវបានរថយន្តសង្គ្រោះរបស់អង្គភាព711 កងពលតូចលេខ70 ដឹកបញ្ជូនទៅមន្ទីរពេទ្យព្រះកុសុមៈ តាមការស្នើសុំពីក្រុមគ្រួសារ៕

ដោយ ៖ សុខា