សន្តិសុខសង្គម
សិស្សសាលា៣នាក់ ឆក់ទូរសព្ទពីស្ត្រីម្នាក់បានសម្រេច ត្រូវបានសមត្ថកិច្ចឃាត់ខ្លួន
ភ្នំពេញ ៖ ជនសង្ស័យ៣នាក់ ជាសិស្សសាលាជិះម៉ូតូ២គ្រឿង ធ្វើសកម្មភាពឆក់ទូរសព្ទដៃ ពីស្ត្រីម្នាក់ខណៈកំពុងជិះម៉ូតូបានសម្រេចនៅចំណុចបុរីពិភពថ្មីចំការដូងភូមិសំបួរ សង្កាត់ដង្កោ ខណ្ឌដង្កោរាជធានីភ្នំពេញ កាលពីវេលាម៉ោង ១១និង០០នាទី ថ្ងៃទី០២ ខែកុម្ភៈ ឆ្នាំ២០២៤ ហើយព្យាយាមគេចខ្លួនតែត្រូវបានសមត្ថកិច្ចខណ្ឌពោធិ៍សែនជ័យឃាត់ខ្លួនបាន២នាក់មកវិញ។
ជនសង្ស័យដែលឃាត់បានចំនួន០២នាក់ ទី០១ ឈ្មោះ សីហា ភេទប្រុសអាយុ ១៧ ឆ្នាំមុខរបរ សិស្ស មានទីលំនៅបន្ទប់ជួល ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ទី២ ឈ្មោះវី ចំរុង ភេទប្រុស អាយុ១៧ឆ្នាំ ទីលំនៅ ភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ចំណែកជនសង្ស័យដែលគេចខ្លួនឈ្មោះ ចំរ៉ុង ភេទប្រុស អាយុ ១៧ឆ្នាំ មុខរបរសិស្ស មានទីលំនៅ ភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
រីឯជនរងគ្រោះ ឈ្មោះ ឈុន វណ្ណា ភេទស្រី អាយុ៣២ឆ្នាំ មានទីលំនៅ ភូមិសំបួរ សង្កាត់ដង្កោ ខណ្ឌដង្កោ។ សម្ភារៈបាត់បង់ ទូរសព្ទ០១គ្រឿង ម៉ាកIPHON 12 Promax តាមរបាយការណ៍សមត្ថកិច្ចបានឱ្យដឹងថា នៅមុនកើតហេតុជនសង្ស័យទាំងបីនាក់បានជួបជុំគ្នានៅភូមិចំការឪឡឹកពីសង្កាត់ការទី ២ ខណ្ឌពោធិ៍សែនជ័យរាជធានីភ្នំពេញ។បន្ទាប់មកជនទាំង០៣នាក់ បាននាំគ្នាជិះម៉ូតូចំនួន០២គ្រឿង ដើម្បីធ្វើសកម្មភាពឆក់តាមដងផ្លូវ លុះមកដល់ចំណុចបុរីពិភពថ្មី ភូមិសំបួរ សង្កាត់ដង្កោ ខណ្ឌដង្កោ បានជួបជនរងគ្រោះកំពុងជិះម៉ូតូ ហើយដាក់ទូរស័ព្ទ នៅឃ្លប់ម៉ូតូ ម៉ាកស្កូបពី ពេលនោះជនសង្ស័យឈ្មោះ គ្រៀល សីហា បានធ្វើសកម្មភាព ឆក់យកទូរស័ព្ទ ពីជនរងគ្រោះបានសម្រេច រួចមកក៏ជិះម៉ូតូ មកសាលាបឋមសិក្សាពោធិ៍ចិនតុង។
ក្រោយពីទទួលបានព័ត៌មានថា មានករណីជនសង្ស័យឆក់ទូរសព្ទដៃពីជនរងគ្រោះនិងមានភិនភាគទៀត សមត្ថកិច្ចខណ្ឌពោធិ៍សែនជ័យប្រទះឃើញក៏ធ្វើការឃាត់ខ្លួនបានតែម្ដង។ បច្ចុប្បន្ន ជនសង្ស័យ ទាំង០២នាក់ ត្រូវបានបញ្ជូនទៅខណ្ឌដង្កោវិញ ដែលជាម្ចាស់ករណីដើម្បីចាត់ការបន្ដ៕
ដោយ ៖ សុខា
-
ចរាចរណ៍៥ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ ago
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ២ ថ្ងៃ ago
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១៩ ម៉ោង ago
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ ago
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ ago
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត