សន្តិសុខសង្គម

ឃុំខ្លួនបុរសម្នាក់ ក្រោយបើកបររថយន្តបុកមនុស្សស្លាប់

បានផុស

១២ ខែ មុន

នៅ

ថ្ងៃចន្ទ ១៩ កុម្ភៈ ២០២៤

ដោយ

ចៅក្រមស៊ើបសួរនៃសាលាដំបូងខេត្តក្រចេះ នៅថ្ងៃទី១៨ ខែកុម្ភៈ ឆ្នាំ២០២៤ នេះ បានសម្រេចឃុំខ្លួនជនជាប់ចោទជាជនជាតិវៀតណាមម្នាក់ ក្រោយបើកបររថយន្តបង្កគ្រោះថ្នាក់ចរាចរណ៍បណ្តាលឲ្យមនុស្សស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមដីការបង្គាប់ឲ្យឃុំខ្លួនរបស់សាលាដំបូងខេត្តក្រចេះ ជនត្រូវចោទមានឈ្មោះ ជក់ សុខមាន ហៅ អ៊ុក ភេទប្រុស អាយុ ៤៩ ឆ្នាំ ជនជាតិវៀតណាម ជាអ្នកបើកបររថយន្តបង្ក មានទីលំនៅបច្ចុប្បន្នភូមិដីភ្លើង ឃុំចង្ក្រង់ ស្រុកចិត្របុរី ខេត្តក្រចេះ ត្រូវចោទពីបទបើកបរដោយធ្វេសប្រហេស ខ្ជីខ្ជា មិនប្រុងប្រយ័ត្ន បណ្តាលឲ្យស្លាប់អ្នកដទៃ ប្រព្រឹត្តនៅចំណុចអូរល្វា ស្ថិតក្នុងភូមិអូរគ្រៀង ឃុំអូរគ្រៀង ស្រុក អូរគ្រៀងសែនជ័យ ខេត្តក្រចេះ កាលពីថ្ងៃទី ១៦ ខែកុម្ភៈ ឆ្នាំ២០២៤។

ជនរងគ្រោះមានឈ្មោះ មឿន សុផាន់ណា ភេទប្រុស អាយុ ៣១ ឆ្នាំ ជនជាតិខ្មែរមានទីលំនៅភូមិគោលាប់ ឃុំគោលាប់ ស្រុកចិត្របុរី ខេត្តក្រចេះ ជាអ្នកបើកបរម៉ូតូ៕