សន្តិសុខសង្គម
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
នាយឧត្ដមសេនីយ៍ វង្ស ពិសេន អគ្គមេបញ្ជាការដ្ឋាននៃកងយោធពលខេមរភូមិន្ទ កាលពីថ្ងៃទី១ ខែមីនា ឆ្នាំ២០២៤ បានសម្រេចអនុវត្តវិន័យដកហូតមុខតំណែង និងបន្ថយឋានន្តរសក្តិ មេបញ្ជាការរងស្រុកស្វាយជ្រុំ បញ្ជាការដ្ឋានកងរាជអាវុធហត្ថខេត្តស្វាយរៀង ចំនួន៣នាក់ ពាក់ព័ន្ធករណីទារប្រាក់ពីជនសង្ស័យប្រើប្រាស់គ្រឿងញៀនជាង១ពាន់ដុល្លារជាថ្នូរនឹងការដោះលែង។ នេះបើតាមសេចក្ដីប្រកាសព័ត៌មានដែល កម្ពុជាថ្មី ទើបទទួលបាននៅព្រឹកថ្ងៃទី១៤ មីនា នេះ។
យោងតាមសេចក្ដីប្រកាស មេបញ្ជាការរងស្រុកស្វាយជ្រុំដែលត្រូវអនុវត្តវិន័យនេះរួមមាន៖ អនុសេនីយ៍ឯក ប៊ី រីណា ១៩៦២៤១ មេបញ្ជាការរង មូលដ្ឋានកងរាជអាវុធហត្ថស្រុកស្វាយជ្រុំ បញ្ជាការដ្ឋានកងរាជអាវុធហត្ថខេត្តស្វាយរៀង ទៅជា នាយទាហាន នៃកងរាជអាវុធហត្ថ នៃបញ្ជាការដ្ឋានកងរាជអាវុធហត្ថខេត្តរតនគិរី។ អនុសេនីយ៍ឯក រិត សំអុន ១៩១៣៩៣ មេបញ្ជាការរង មូលដ្ឋានកងរាជអាវុធហត្ថស្រុកស្វាយជ្រុំ ទៅជា នាយទាហាននៃកងរាជអាវុធហត្ថនៃបញ្ជាការដ្ឋានកងរាជអាវុធហត្ថខេត្តព្រះវិហារ។ អនុសេនីយ៍ឯក ម៉ិក វណ្ណារឿត ១៩៨០៦២ មេបញ្ជាការរង មូលដ្ឋានកងរាជអាវុធហត្ថស្រុកស្វាយជ្រុំ ទៅជា នាយទាហាននៃកងរាជអាវុធហត្ថនៃបញ្ជាការដ្ឋានកងរាជអាវុធហត្ថខេត្តប៉ៃលិន។
យោងតាមសេចក្ដីប្រកាស ការដកហូតមុខតំណែង និងបន្ថយឋានន្តរសក្កិនេះដោយមូលហេតុ ពីបទទាមទារប្រាក់ចំនួន១១០០ដុល្លារសហរដ្ឋអាមេរិច ជាថ្នូរនឹងការដោះលែងជនសង្ស័យប្រើប្រាស់គ្រឿងញៀន៕
អត្ថបទ៖ សុខុម
ប្រភព៖ អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស
-
ព័ត៌មានជាតិ២ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ២ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៣ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៣ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៣ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៤ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៣ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»