សន្តិសុខសង្គម

ឆ្លងចរន្តឆេះរថយន្តទាំងស្រុងបែរជាបាត់អ្នកបើកបរទៅវិញ

បានផុស

១ year មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

បាត់ដំបង ៖ ប្រជាពលរដ្ឋកំពុងមានការងឿងឆ្ងល់ថា ហេតុអ្វីបានជាអ្នកបើកបររថយន្តគេចខ្លួនបាត់នៅពេលដែលរថយន្តរបស់គេមានបញ្ហាដោយឆ្លងចរន្តអគ្គិសនីបង្កឲ្យមានអណ្ដាតភ្លើងឆាបឆេះរថយន្តខ្ទេចទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏ភ្ញាក់ផ្អើលនេះបានកើតឡើងកាលពី ថ្ងៃទី ១៣ ខែ មីនា ឆ្នាំ ២០២៤ វេលាម៉ោង១២ ថ្ងៃត្រង់ នៅត្រង់ចំណុច ផ្លូវវាងក្រុង(ជិតទីតាំងផ្សារគ្លូប៊ល ហៅស៍) ស្ថិតក្នុង ភូមិ អង់ សង្កាត់ អូរចារ ក្រុង បាត់ដំបង ខេត្តបាត់ដំបង ដោយមានករណីអគ្គិភ័យកើតឡើងចំនួន ០១លើក បណ្តាលឲ្យឆេះរថយន្តធុនតូចចំនួន ១ គ្រឿង(កំពុងបើកបរលើផ្លូវ)។

រថយន្តនោះ ម៉ាក ស្តារិច ពណ៌ទឹកប្រាក់ ពាក់ស្លាកលេខ ភ្នំពេញ 2AZ-6970 ហើយនៅពេលដែលរថយន្តចាប់ផ្ដើមផ្ទុះឆាបឆេះជាអណ្ដាតភ្លើងរួចមកសមត្ថកិច្ចបានចេញរថយន្តពន្លត់អគ្គិភ័យដើម្បីជួយអន្តរាគមន៍ប៉ុន្តែទៅមិនទាន់ទេ ដោយសារការឆាបឆេះនេះយ៉ាងលឿនបំផុតធ្វើឲ្យរថយន្តឆេះខ្ទេចទាំងស្រុង គឺមានរថយន្តទឹកដែលជារថយន្តរបស់ស្ថានីយប្រេងឥន្ធនៈតេលាបានចេញជួយអន្តរាគមន៍ ប៉ុន្តែអ្វីដែលឆ្ងល់គឺ អ្នកបើកបរ បានរត់ចោលរថយន្តដោយមិនដឹងទៅណា។

យោងតាមការស្រាវជ្រាវរបស់សមត្ថកិច្ចគឺ មូលហេតុ បណ្ដាលមកពីការ ឆ្លងចរន្តអគ្គិសនី(ប្រព័ន្ធភ្លើងក្នុងរថយន្ត)ទើបបង្កទៅជាអណ្ដាតភ្លើងឆាបឆេះបែបនេះ៕

អត្ថបទ ៖ សោ និយមរ័ត្ន