សន្តិសុខសង្គម
សាលាដំបូងខេត្តព្រះសីហនុ សម្រេចចោទប្រកាន់ជនបទេស១៥នាក់ ពាក់ព័ន្ធករណីគ្រឿងញៀន និងសម្អាតប្រាក់
តំណាងអយ្យការអមសាលាដំបូងខេត្តព្រះសីហនុ កាលពីថ្ងៃទី១៦ ខែមីនា ឆ្នាំ២០២៤ បានសម្រេចចោទប្រកាន់ជនបទេសមួយក្រុមមានគ្នា១៥នាក់ ពាក់ព័ន្ធករណីគ្រឿងញៀន និងសម្អាតប្រាក់ បន្ទាប់ពីកម្លាំងនគរបាលនៃស្នងការដ្ឋាននគរខេត្តព្រះសីហនុបង្ក្រាបកាលពីថ្ងៃទី៥ ខែមីនា ឆ្នាំ២០២៤កន្លងទៅ។

ការចោទប្រកាន់នេះ បានធ្វើឡើងក្រោយពីតំណាងអយ្យការអមសាលាដំបូងខេត្ត បានពិនិត្យលើសំណុំរឿង និងស្តាប់ចម្លើយជនសង្ស័យ ព្រមទាំងផ្អែកទៅលើភស្តុតាងពាក់ព័ន្ឋនៅក្នុងសំណុំរឿង និងបានបញ្ជូនទៅចៅក្រមស៊ើបសួរ នៃសាលាដំបូងខេត្តព្រះសីហនុ ដើម្បីចាត់ការបន្តតាមនីតិវិធីច្បាប់។
តាមសេចក្ដីប្រកាសព័ត៌មានរបស់អ្នកពាក្យនៃអយ្យការអមសាលាដំបូងខេត្តព្រះសីហនុ ជនបទេសទាំង១៥នាក់ដែលត្រូវចោទប្រកាន់នេះមាន៣សញ្ជាតិ មានសញ្ជាតិចិន ម៉ាឡេស៊ី និងវៀតណាម និងបក្ខពួកមួយចំនួនទៀតពីបទ ផលិតដោយខុសច្បាប់នូវសារធាតុញៀន រក្សាទុកដោយខុសច្បាប់នូវសារធាតុញៀន ជួញដូរដោយខុសច្បាប់នូវសារធាតុញៀន ចាត់ចែងឱ្យប្រើប្រាស់ដោយខុសច្បាប់នូវសារធាតុញៀន សម្រួលឱ្យប្រើប្រាស់ដោយខុសច្បាប់នូវសារធាតុញៀន និងសម្អាតប្រាក់ តាមបញ្ញាត្តិ មាត្រា ៣៩ កថាខណ្ឌ ៥ ចំណុច ៤ មាត្រា ៤០ កថាខណ្ឌ៧ ចំណុច៤ មាត្រា៤២ កថាខណ្ឌ៣ ចំណុច២ មាត្រា៤៤ កថាខណ្ឌ២ ចំណុច៤ មាត្រា៤៧ កថាខណ្ឌ៤ ចំណុច១ មាត្រា៤៨ កថាខណ្ឌ៦ ចំណុច១ មាត្រា៥០ កថាខណ្ឌ៣ ចំណុច២ មាត្រា ៥២ កថាខណ្ឌ២ ចំណុច៤ នៃច្បាប់ស្តីពីការត្រួតពិនិត្យគ្រឿងញៀន និងមាត្រា៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម។

សូមបញ្ជាក់ថា កាលពីថ្ងៃទី០៥ ខែមីនា ឆ្នាំ២០២៤ កម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ សហការជាមួយកម្លាំងផែនសន្តិសុខផ្ទៃក្នុង បានបើកប្រតិបត្ដិការបង្ក្រាបទីតាំងខារ៉ាអូខេមួយកន្លែងយីហោ «ជីនឌានហ្ស៊ីយី» ស្ថិតនៅក្រុម២ ភូមិ៤ សង្កាត់លេខ៤ ក្រុង-ខេត្តព្រះសីហនុ ពាក់ព័ន្ធជួញដូរ រក្សាទុក សម្រួលឲ្យប្រើប្រាស់ កែច្នៃដោយខុសច្បាប់នូវសារធាតុញៀន ព្រមទាំងដកហូតបានវត្ថុតាងជាសារធាតុញៀនប្រភេទ អ៊ុចស្តាស៊ី (MDMA) និងកេតាមីន (K) សរុបទម្ងន់ជាង ០២គីឡូក្រាម និងសារធាតុគីមីផ្សំសរុបទម្ងន់ជាង ១៣ គីឡូក្រាម ព្រមទាំងសម្ភារៈបម្រើឱ្យសកម្មភាពផលិត ជួញដូរ និងប្រើប្រាស់គ្រឿងញៀនជាច្រើនមុខទៀត៕
អត្ថបទ៖ សុខុម








-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?