Connect with us

សន្តិសុខសង្គម

អគ្គិភ័យឆេះព្រៃលើភ្នំស្វាយ ផ្ទុះគ្រាប់យុទ្ធភ័ណ្ឌ​សល់ពីសង្គ្រាម២គ្រាប់ផ្អើលអ្នកស្រុក

បានផុស

នៅ

លោក អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពខេត្ត បានដឹកនាំកម្លាំងចម្រុះ ជាង១ពាន់នាក់ និងរថយន្តពន្លត់អគ្គីភ័យ១១គ្រឿង ចេញប្រតិបត្តិការពន្លត់ភ្លើងឆេះលើភ្នំស្វាយអស់រយៈពេល៤ម៉ោង ទើបភ្លើងរលត់ជាស្ថាពរ។ ក្នុងពេលដែលភ្លើងកំពុងឆេះនោះមានគ្រាប់យុទ្ធភ័ណ្ឌបន្សល់ពីសម័យសង្គ្រាម២គ្រាប់បានផ្ទុះឡើង ធ្វើឲ្យប្រជាពលរដ្ឋមានការតក់ស្លុតយ៉ាងខ្លាំង តែសំណាងណាស់គ្មានមនុស្សស្លាប់ និងរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះកើតឡើងនៅម៉ោងវេលា៤ល្ងាចថ្ងៃទី២០ ខែមីនា ឆ្នាំ២០២៤ នៅលើភ្នំស្វាយ ក្រុងសិរីសោភ័ណតែម្តង។ បើតាមការអះអាងពីប្រជាពលរដ្ឋរស់នៅជិតកន្លែងភ្នំដែលឆេះនោះបាននិយាយថា ភ្លើងឆេះលើភ្នំស្វាយនេះផ្តើមឡើងមកពី អាកាសធាតុក្តៅខ្លាំង បណ្តាលលើភ្នំស្វាយ រុក្ខជាតិធម្មជាតិងាប់ឡើងស្រួយ ពេលនោះមានមនុស្សដុតភ្លើងមិនបានរលត់ក៏រាលឆេះពេញលើភ្នំតែម្តង។

ពេលភ្លើងកំពុងតែឆេះនោះ លោក អ៊ុំ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥ និងមេបញ្ជាការទិសទី១បន្ទាយមានជ័យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យបានដឹកនាំកម្លាំងជាង១ពាន់នាក់មានកម្លាំងនគរបាល កម្លាំងកងរាជអាវុធហត្ថ យោធាតំបន់ប្រតិបត្តិការសឹងរងខេត្ត កម្លាំងអង្គភាពស៊ីម៉ាក់ និងរថយន្តពន្លត់អគិភ័យ១១គ្រឿង មកពីអធិការដ្ឋានទាំង៩ស្រុក/ក្រុងខេត្ត២គ្រឿងបើកប្រត្តិបត្តការបាញ់ពន្លត់ភ្លើងកំពុងឆេះនោះយ៉ាង សស្រាក់ សស្រាំ ពីម៉ោង១រសៀលរហូតដល់ម៉ោង៤ល្ងាចទើបគ្រប់គ្រងស្ថានការភ្លើងឆេះភ្នំស្វាយនេះបានទាំងស្រុង ក្នុងនោះមានរថយន្តពន្លត់បាញ់ការពារមិនឲ្យរាលដាលឆាបឆេះដល់ផ្ទះសម្បែងប្រជាពលរដ្ឋរស់នៅជាប់ជើងភ្នំរាប់រយគ្រួសារផងដែរ។

ករណីអគ្គិភ័យឆេះលើភ្នំស្វាយ គឺផ្តើមឆេះពីផ្នែកខាងកើតក្រោយសាលាខេត្តរាលដាលឆេះទៅខាងត្បូង ឆេះផ្នែកខាងលើខ្លាំងត្រូវបានកម្លាំងជួយអន្តរាគមន៍ដោយប្រើប្រាស់បាវជ្រលក់ទឹកវ៉ៃពន្លត់ផ្នែកខាងលើភ្នំ ក្នុងនោះមានស្នូរគ្រាប់ផ្ទុះ២គ្រាប់ដែលជាគ្រាប់សេសសល់ពីសម័យសង្គ្រាម។

លោក អ៊ុំ រាត្រី អភិបាលខេត្តបន្ទាយមានជ័យ បានប្រាប់ឲ្យដឹងថា ភ្លើងដែលឆេះភ្នំស្វាយមានរយៈពេលជិត៤ម៉ោងទើបរលត់បានទាំងស្រុងមានកម្លាំងជាង១ពាន់នាក់ និងរថយន្តពន្លត់អគ្គីភ័យ១១គ្រឿង របស់ស្នងការដ្ឋាននគរបាលខេត្តបន្ទាយមានជ័យ ភ្លើងឆេះនេះមិនបង្កឲ្យប៉ះពាល់ដល់ផ្ទះសម្បែងប្រជាពលរដ្ឋទេនៅពេលដែលកម្លាំងចុះអន្តរាគមន៍ពន្លត់បានទាន់ពេល។ លោក អ៊ុំ រាត្រី សូមឲ្យបងប្អូនប្រជាពលរដ្ឋមានការប្រុងប្រយ័ត្នខ្ពស់ចំពោះភ្លើងនៅរដូវប្រាំងហួតហែងដែលប្រឈម និងឆាបឆេះខ្លាំងណាស់៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

UNDP វាយ​តម្លៃ​ខ្ពស់​ចំពោះ​ភាព​ជោគជ័យ​នៃការអនុវត្តផែនការយុទ្ធសាស្រ្តជាតិសកម្មភាពមីន ២០១៨-២០២៥ និង​ប្តេជ្ញាចិត្តគាំទ្រដល់វិស័យសកម្មភាពមីននៅកម្ពុជា

ព័ត៌មានជាតិ៣ ម៉ោង មុន

រដ្ឋបាលសង្កាត់ចោមចៅទី៣ សហការជាមួយក្រុមសង្គ្រោះ៧១១ បន្តចុះយុទ្ធការបាញ់ថ្នាំសម្លាប់មូសដើម្បីបង្កានិងទប់ស្កាត់ជំងឺគ្រុនឈាម

ព័ត៌មានជាតិ៣ ម៉ោង មុន

អាណាចក្រផ្កាថ្ម ជាសក្ខីភាពបញ្ចាក់ពីសក្តានុពលធនធានបាតសមុទ្រកម្ពុជា ដែលខេត្តកែបមានបានដាក់តាំងនៅបណ្ដោយឆ្នេរតេជោសន្តិភាពខេត្តកែប

ព័ត៌មានជាតិ៤ ម៉ោង មុន

លោក សាយ សំអាល់ ៖ មួយឆ្នាំកន្លងមកនេះខេត្តកែបសម្រេចបានហេដ្ឋារចនាសម្ព័ន្ធ ជាខឿនយុទ្ធសាស្រ្តទ្រទ្រង់ដល់វិស័យទេសចរណ៍

ព័ត៌មានជាតិ៤ ម៉ោង មុន

រដ្ឋបាលខណ្ឌឬស្សីកែវ បន្តចុះសម្អាតនិងរៀបចំសណ្តាប់ធ្នាប់ក្នុងមូលដ្ឋានឱ្យមានរបៀបរៀបរយ

ព័ត៌មានអន្ដរជាតិ៩ ម៉ោង មុន

អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង

ព័ត៌មានអន្ដរជាតិ១០ ម៉ោង មុន

នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង 

សន្តិសុខសង្គម១២ ម៉ោង មុន

អ្នកនាំពាក្យ៖ ករណីពលរដ្ឋទៅទទួលអំណោយនៅ​មុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ

ព័ត៌មានអន្ដរជាតិ១៦ ម៉ោង មុន

កូរ៉េខាងជើង ​ប្រហារជីវិត​អ្នកស្រាវជ្រាវ​ជាន់ខ្ពស់​ ព្រោះ​គម្រោង​​ថាមពលនុយក្លេអ៊ែរ​​បរាជ័យ

ព័ត៌មានអន្ដរជាតិ១០ ម៉ោង មុន

វៀតណាម បំបែក​សម្បុក​​ក្រុម​លាង​លុយ​កខ្វក់​ ក្នុង​ទំហំទឹកប្រាក់ ១,២​ពាន់​លាន​ដុល្លារ

Sokha Hotels

ព័ត៌មានពេញនិយម