សន្តិសុខសង្គម
សប្តាហ៍មុន សមត្ថកិច្ចឃាត់ខ្លួនក្មេងទំនើង៧២នាក់ ក្នុង២៥ករណីផ្សេងៗគ្នា
ចន្លោះថ្ងៃទី១៨ ដល់ ថ្ងៃទី២៤ ខែមីនា ឆ្នាំ២០២៤ សមត្ថកិច្ចនគរបាលជាតិ ក្រសួងមហាផ្ទៃ បានឃាត់ខ្លួនក្មេងទំនើងសរុបចំនួន៧២នាក់ ជាបន្តបន្ទាប់ ក្នុងករណីផ្សេងៗគ្នាចំនួន២៥ករណី។ នេះបើតាមលោក ទូច សុខៈ អ្នកនាំពាក្យរងក្រសួងមហាផ្ទៃ។

លោក ទូច សុខៈ បានឱ្យដឹងថា ករណីក្មេងទំនើងសប្ដាហ៍ចុងក្រោយនេះ មានប្រហាក់ប្រហែលគ្នានឹងសប្ដាហ៍មុនដែរ ចំពោះសប្ដាហ៍ចុងក្រោយ ករណីក្មេងទំនើងភាគច្រើនកើតឡើងនៅរាជធានីភ្នំពេញ បន្ទាប់មកមាននៅខេត្តកណ្ដាល ពោធិ៍សាត់ ត្បូងឃ្មុំ និងខេត្តកំពង់ចាម។

ចំពោះរូបភាពនៃការអនុវត្តលើក្រុមក្មេងទំនើងដែលប្រព្រឹត្តិសកម្មភាពអវិជ្ជមានក្នុងសង្គម មានពីរប្រភេទ គឺវិធានការរដ្ឋបាល ជាការអប់រំណែនាំ និងធ្វើកិច្ចសន្យាបញ្ឈប់ទង្វើ។ វិធានការមួយទៀត គឺវិធានការច្បាប់ មានន័យថា ត្រូវកសាងសំណុំរឿងបញ្ជូនទៅតុលាការ ចោទប្រកាន់ និងផ្ដន្ទាទោសតាមច្បាប់កំណត់។
ពាក្យ«ក្មេងទំនើង»ត្រូវបានប្រើប្រាស់ក្នុងគោលនយោបាយភូមិ-ឃុំ-សង្កាត់មានសុវត្ថិភាព។ ការដោះស្រាយបញ្ហាក្មេងទំនើងនៅក្នុងសង្គម ស្ថិតក្នុងកញ្ចប់ការងារអាទិភាពទាំង៦ របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី ឬដ្ឋមន្រ្តីក្រសួងមហាផ្ទៃ។
ក្នុងពិធីបិទសន្និបាតក្រសួងមហាផ្ទៃកាលពីពេលកន្លងទៅថ្មីៗនេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ក៏បានណែនាំក្រសួងមហាផ្ទៃ រដ្ឋបាលរាជធានី-ខេត្ត និងអាជ្ញាធរមូលដ្ឋាន បង្កើនការយកចិត្តទុកដាក់ដោះស្រាយបញ្ហាក្មេងទំនើងនេះឱ្យមានប្រសិទ្ធភាពខ្ពស់ផងដែរ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ