សន្តិសុខសង្គម

យុវជនវ័យក្មេងម្នាក់ ត្រូវបានឃាតកសម្លាប់ យកទៅដុតនៅក្នុងរណ្ដៅចាក់សំរាម១កន្លែង

បានផុស

៨ ខែ មុន

នៅ

ថ្ងៃចន្ទ ១ មេសា ២០២៤

ដោយ

បន្ទាយមានជ័យ ៖ យុវជនរូបស្រស់ម្នាក់មិនដឹងថា មានទំនាស់អ្វីជាមួយអ្នកណា ត្រូវបានឃាតករសម្លាប់ហើយយកមកដុតចោលនៅក្នុងរណ្ដៅចាក់សំរាមមួយកន្លែង នៅខាងជើងទីស្នាក់ការគណបក្សប្រជាជនកម្ពុជា ក្រុងប៉ោយប៉ែត ស្ថិតក្នុងភូមិអណ្ដូងថ្មមាស សង្កាត់ផ្សារកណ្ដាលក្រុងប៉ោយប៉ែត ខេត្តបន្ទាយមានជ័យ។

អនុប្រធានភូមិ អណ្ដូងថ្មមាស សង្កាត់ផ្សារកណ្ដាលបានប្រាប់អ្នកព័ត៌មានឲ្យដឹងថា នៅរសៀលថ្ងៃទី៣០ ខែ មីនា ឆ្នាំ ២០២៤នោះ មានក្មេងឃ្វាលគោម្នាក់បានមករាយការណ៍ប្រាប់គាត់ថាបានប្រទះឃើញ សពម្នាក់ឆេះខ្លោចនៅក្នុងរណ្តៅចាក់សំរាម ១កន្លែង ដោយដៃជាប់ចំណងក្រណាត់អាវ ក្រោយពីបានទទួលបានព័ត៌មានហើយលោកអនុភូមិបានទៅដល់កន្លែងកើតហេតុបានឃើញសពឆេះខ្លោចពិតប្រាកដក៏បានរាយការណ៍បន្តទៅសមត្ថកិច្ចជំនាញសមត្ថកិច្ចបន្តជំនាញបានទទួលព័ត៌មានហើយបានទៅដល់កន្លែងកើតហេតុបាននិយាយថា យោងតាមការធ្វើកោសល្យវិច័យជនរងគ្រោះត្រូវបានជនដៃដល់វាយសម្លាប់ជាមុន ទើបដឹកសពយកទៅកប់ក្នុងគំនរសំរាម ហើយដុតបំផ្លាញសពឲ្យទៅជាផេះតែម្តង ក្រោយពីស្រាវជ្រាវអស់រយៈពេល ពេញ១ថ្ងៃ ទើបសមត្ថកិច្ច បានស្គាល់អត្តសញ្ញាណសព ជនរងគ្រោះនោះហើយ មានឈ្មោះ ហុក ដូលា ភេទ ប្រុស អាយុ ១៦ ឆ្នាំ ជាបុគ្គលិកគិតលុយនៅផ្សារទំនើបតូចមួយកន្លែង នៅក្រុងប៉ោយប៉ែត។

សពពេលដែលសមត្ថកិច្ចធ្វើកំណត់ហេតុហើយ បានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី ចំណែកឃាតកវិញស្រាវជ្រាវបន្តស្វែងរកចាប់៕

ដោយ ៖ វ៉ាន់ ណាង