សន្តិសុខសង្គម
ដើមខែមេសាខេត្តសៀមរាប មានករណីអគ្គិភ័យជិត១០លើក ខូចខាតទ្រព្យសម្បត្តិពលរដ្ឋជាង១០ម៉ឺនដុល្លារ
រដូវក្តៅឈានមកដល់នៅឯខេត្តសៀមរាប មានករណីអគ្គិភ័យជិត១០លើក បណ្តាលឲ្យខូចខាតទ្រព្យសម្បត្តិប្រជាពលរដ្ឋអស់មួយចំនួនធំ ដោយសារតែការធ្វេសប្រហែស។

នគរបាលជាន់ខ្ពស់នៃស្នងការដ្ឋាននគរបាលខេត្តសៀមរាប បានឲ្យដឹងថាគិតត្រឹមថ្ងៃទី១ខែមេសាឆ្នាំ២០២៤នេះនៅក្នុងខេត្តសៀមរាប មានករណីអគ្គិភ័យជិត១០លើកដែលភាគច្រើនកើតឡើងដោយសារភ្លើងឆេះព្រៃ និងមួយករណីទៀតឆេះដេប៉ូលក់សាំងនៅក្រោយផ្សារពួក។
មន្ត្រីរូបនោះបន្តថា ករណីភ្លើងឆេះព្រៃភាគច្រើនគឺបណ្ដាលមកពីពលរដ្ឋដុតខ្សែភ្លើងឬក៏ដុតព្រៃយកឃ្មុំ និងដុតសំរាមជាដើម ដែលពួកគាត់មានការធ្វេសប្រហែស បណ្ដាលឲ្យឆាបឆេះសំរាមរាលទៅដីឡូតិ៍ផ្សេងៗរីក៏ផ្ទះអ្នកជិតខាង។

ចំណែកករណីឆេះដេប៉ូលក់សាំងនៅក្រោយផ្សារពួក យីហោ ចិនខ្មៅ ស្ថិតនៅក្នុងភូមិចំបក់ហែ ឃុំពួក ស្រុកពួក ខេត្តសៀមរាប ដែលមានម្ចាស់ទីតាំងមានឈ្មោះ ឈិន ពណ្ណារាយ និងឈ្មោះ ជាល សុខ គឺបណ្ដាលមកពីអ្នកបើករថយន្តបញ្ចូលសាំងខុសបច្ចេកទេស (ព្រោះអាកាសធាតុខែនេះក្តៅខ្លាំង ទុយោបញ្ចូលប្រេងមានកំដៅខ្លាំង ប្រញាប់បញ្ជូលប្រេងសាំងពេកបណ្តាលឲ្យឆេះ)។ករណីឆេះដេប៉ូលក់ព្រៃនោះបណ្ដាលឲ្យខូចខាតទ្រព្យសម្បត្តិអស់ប្រមាណជាង១០ម៉ឺនដុល្លារនិងរបួសមនុស្សម្នាក់។ចំណែកអ្នកបើកបររថយន្តក្រុមហ៊ុនសាវីមិច ត្រូវបានកម្លាំងនគរបាលជំនាញនាំយកមកសួរនាំនៅស្នងការដ្ឋាននគរបាលខេត្តសៀមរាប ដើម្បីចាត់ការទៅតាមផ្លូវច្បាប់។
ដោយឡែក ករណីភ្លើងឆេះព្រៃនាប៉ុន្មានថ្ងៃនេះគឺ ភាគច្រើននៅដីឡូតិ៍ទុកចោល ម្តុំទំនប់អញ្ចាញ សង្កាត់នគរធំ ក្រុងសៀមរាប និងមួយកន្លែងទៀតនៅក្បែរមន្ទីរឧត្តុនិយម ចាស់ ក្នុងភូមិកសិកម្ម សង្កាត់ស្រង៉ែ និងនៅថ្ងៃទី៣ខែមេសានេះមានភ្លើងឆេះព្រៃចំនួន២ទីតាំងទៀត។

ជាមួយគ្នានេះ គេសង្កេតឃើញថា អាជ្ញាធរពាក់ព័ន្ធនៅខេត្តសៀមរាប តែងតែចុះអប់រំ ណែនាំ ដល់ពលរដ្ឋឲ្យបានយល់ដឹងនិងបង្កើននូវការប្រុងប្រយ័ត្នចំពោះករណីអគ្គិភ័យនេះដែរ។ប៉ុន្តែនៅតែមានពលរដ្ឋមួយចំនួនតូចមិនធ្វើតាមការអប់រំណែនាំរបស់អាជ្ញាធរ ទើបបណ្ដាលឲ្យមានករណីអគ្គិភ័យឆាបឆេះជាបន្តបន្ទាប់យ៉ាងដូច្នេះ។
អាជ្ញាធរខេត្តសៀមរាប សំណូមពរឲ្យប្រជាពលរដ្ឋចូលរួមទប់ស្កាត់ករណីគ្រោះអគ្គិភ័យឲ្យបានម៉ត់ចត់ថែមទៀត ព្រោះរដូវកាលនេះជារដូវក្តៅ អាចបណ្ដាលឲ្យមានអគ្គិភ័យយ៉ាងឆាបចេះយ៉ាងឆាប់រហ័ស៕
ដោយ៖ជុន កុសល



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ