អគ្គិភ័យឆេះផ្ទះមន្ត្រីនគរបាលមួយរូបរងការ​ខូច​ខាតស្ទើរទាំងស្រុង

ផ្ទះមន្ត្រីនគរបាលមួយរូបត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលនាវេលាម៉ោង៨និង៣៥នាទីព្រឹក ថ្ងៃទី២៦ ខែមេសា ឆ្នាំ២០២៤ នៅចំណុចផ្ទះលេខ២៧១ ផ្លូវលំ ភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

ប្រភពព័ត៌មានបានឱ្យដឹងថា ម្ចាស់ទីតាំងឈ្មោះ ពៅ រដ្ឋ ភេទប្រុស អាយុ៥៥ឆ្នាំ ជនជាតិខ្មែរ មុខរបរនគរបាល។ មន្ត្រីជំនាញបានឱ្យដឹងថា ទីតាំងខាងលេីជាប្រភេទសំណង់ថ្មប្រក់ស័ង្កសីទំហំ ០៥x១០ម៉ែត្រ ត្រូវបានភ្លេីងឆេះបណ្តាល​ឱ្យខូចខាតសម្ភារអស់៨០% តែពុំបណ្តាលឱ្យឆេះរាលដាលដល់អ្នកក្បែរខាងឡើយ។ មូលហេតុបណ្តាលមកពីការឆ្លងចរន្តអគ្គិសនី។

ក្នុងករណីនេះ បានធ្វេីឱ្យមន្ត្រីជាប់កិច្ចសន្យាម្នាក់ឈ្មោះ ឌួង ចិត្តភក្តី ភេទប្រុស រងរបួសស្រាល និងមិនធ្វេីឱ្យប្រជាពលរដ្ឋណាម្នាក់រងរបួស ឬគ្រោះថ្នាក់ដល់អាយុជីវិតនោះឡេីយ។ ប្រតិបត្តិការខាងលេី កងកម្លាំងនគរបាលបង្ការពន្លត់ អគ្គិភ័យ និងសង្គ្រោះបានប្រេីប្រាស់រថយន្តពន្លត់អគ្គិភ័យរបស់ការិយាល័យអគ្គិភ័យ រាជធានីភ្នំពេញ ចំនួន០៧ គ្រឿង ប្រេីប្រាស់ទឹកអស់ចំនួន០២រថយន្ត ស្មើនឹង០៨ម៉ែត្រគូប។ ក្នុងនោះក៏មានរថយន្តជំនួយអន្តរាគមន៍មកពីក្រុមហ៊ុនស្រាបៀរកម្ពុជាចំនួន០១ គ្រឿង ប្រើប្រាស់ទឹកអស់ចំនួន០១ រថយន្ត ស្មើនឹង០៦ម៉ែត្រគូប៕

អត្ថបទ៖ សុខា