សន្តិសុខសង្គម

ឆេះសិប្បកម្មឈើមួយកន្លែង សមត្ថកិច្ចរកមូលហេតុមិនទាន់ឃើញ

បានផុស

៨ ខែ មុន

នៅ

ថ្ងៃសៅរ៍ ២៧ មេសា ២០២៤

ដោយ

សិប្បកម្មឈើមួយកន្លែងមានសម្ភារៈជាច្រើនរួមជាមួយនឹងឈើប្រណិតដែលរក្សាទុកក្នុងទីនោះ ត្រូវបានអគ្គិភ័យឆាបឆេះគ្មានសល់ ហើយមកទល់ពេលនេះ សមត្ថកិច្ចនៅមិនទាន់បង្ហាញអំពីមូលហេតុនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នៃគ្រោះអគ្គិភ័យនេះបានកើតឡើងកាលពីថ្ងៃទី ២៦ ខែមេសា ឆ្នាំ ២០២៤ វេលាម៉ោងប្រហែល ២៣ និង ២០ នាទី ចំណុចភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង។

ករណីអគ្គិភ័យខាងលើនេះ បណ្តាលឲ្យឆេះរោងជាងឈើ របស់ ឈ្មោះ ឈួ សំអាត អាយុ ៥៥ ឆ្នាំ និងប្រពន្ធឈ្មោះ ប៊ុន ចាន់ថា អាយុ ៤៥ ឆ្នាំ ដែលរោងសិប្បកម្មនេះមានទំហំ ១៥x២០ ម៉ែត្រ។

ដោយឡែកសម្ភារៈខូចខាតរួមមាន ៖ ម៉ូទ័រ ០៦ គ្រឿង ម៉ាស៊ីន ០២ គ្រឿង ម៉ាស៊ីនវាល ០១ គ្រឿង តាប ០១ ឈើប្រណិត ០៥ ម៉ែត្រគូប គ្រែប្រអប់ ០៤ ទ្វារ ២៦ ផ្ទាំង និងដើមទុរេន ០៥ ដើម។

ចំពោះមូលហេតុដែលបណ្តាលឲ្យឆេះរោងជាងឈើនេះ មិនទាន់ស្រាវជ្រាវដឹងនៅឡើយទេ ដោយ ភ្លាមៗ នោះ សមត្ថកិច្ច បានចេញរថយន្តពន្លត់អគ្គិភ័យ ដើម្បីទប់ស្កាត់ការរាលដាលទៅលំនៅឋានរបស់ប្រជាពលរដ្ឋដទៃទៀត៕

អត្ថបទ ៖ សោ និយមរ័ត្ន