សមត្ថកិច្ចចាប់ខ្លួនមនុស្ស ​៥ នាក់ រឹបអូសគ្រឿងញៀនឆ្លងដែនជាង ២០០ គីឡូក្រាម

កម្លាំងមន្ទីរប្រឆាំងគ្រឿងញៀន(ក៩) សហការជាមួយការិយាល័យប្រឆាំងបទល្មើសគ្រឿងញៀនខេត្ត កម្លាំងវរសេនាតូចការពារព្រំដែនគោក ៧០១ បើកប្រតិបត្តិការបង្ក្រាបគ្រឿងញៀនឃាត់ខ្លួនមនុស្សចំនួន ៥ នាក់ និងរកឃើញគ្រឿងញៀនជាង ២០០ គីឡូក្រាម ក្នុងរថយន្តមួយគ្រឿង។

ប្រតិបត្តិការនេះ ធ្វើឡើងរយៈពេល ២ ថ្ងៃគឺនៅថ្ងៃទី ២៧ និង ២៨ ខែមេសា ឆ្នាំ ២០២៤ ស្ថិតនៅភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។

សមត្ថកិច្ចនគរបាលការិយាល័យប្រឆាំងគ្រឿងញៀនខេត្តស្ទឹងត្រែងឱ្យដឹងថា ក្រោយការស៊ើបអង្កេតករណីដឹកជញ្ជូន និងរក្សាទុកឆ្លងដែនដោយខុសច្បាប់នូវសារធាតុញៀន។

ថ្ងៃទី២៧ ខែមេសា  ឆ្នាំ២០២៤ វេលាម៉ោង១០ និង២២នាទី ចុះបង្ក្រាបការដឹកជញ្ជូន រក្សាទុកថ្នាំញៀន និងគ្រឿងញៀនឆ្លងដែនដោយខុសច្បាប់ និងបានឃាត់ខ្លួនជនសង្ស័យចំនួន ០៥នាក់ជាបន្តបន្ទាប់ ស្ថិតនៅចំណុចអូរដួង ភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។

បុរសជនសង្ស័យទាំង ៥នាក់ទី១. ឈ្មោះ  ដា ទុន អាយុ៥០ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រោម ឃុំព្រះរំកិល ស្រុកបុរីអូរស្វាយ​សែនជ័យ ខេត្តស្ទឹងត្រែង។ ២.ឈ្មោះ ភីត ឃីត អាយុ៤៥ឆ្នាំ មានទីលំនៅបច្ចុប្បន្នភូមិកោះល្ង ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។ ៣.ឈ្មោះ សោន គាំង ភេទប្រុស អាយុ៤៥ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។ ៤.ឈ្មោះ កែវ ដាំមន្នី ភេទប្រុស អាយុ២៦ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង និងទី៥.​ឈ្មោះ សោន ណែត អាយុ២០ឆ្នាំជនជាតិខ្មែរមានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។

បច្ចុប្បន្នជនសង្ស័យ និងវត្ថុតាងខាងលើការិយាល័យប្រឆាំងបទល្មើសគ្រឿងញៀន កំពុងរៀបចំសំណុំរឿងបញ្ជូនទៅអយ្យ​ការអមសាលាដំបូងខេត្ត ដើម្បីចាត់ការតាមនីតិវិធី៕

អត្ថបទ៖ ងិនលីម