សន្តិសុខសង្គម
ផ្គររន្ទះ និងខ្យល់កន្ត្រាក់បំផ្លាញផ្ទះពលរដ្ឋមួយចំនួន និងផ្តាច់ជីវិតមនុស្សម្នាក់នៅស្រុកបវេល
លំនៅដ្ឋានរបស់ប្រជាពលរដ្ឋចំនួន៤ខ្នង បានប៉ើងរប៉ាត់រប៉ាយដោយសារកម្លាំងខ្យល់កន្ត្រាក់ ក្នុងនោះក៏មានប្រជាពលរដ្ឋម្នាក់បានស្លាប់ភ្លាមៗនៅតាមដងផ្លូវ ក្រោយត្រូវរន្ទះបាញ់ពេលមេឃកំពុងភ្លៀង។
យោងតាមរបាយការណ៍របស់សមត្ថកិច្ចមូលដ្ឋានបានបញ្ជាក់ថា កាលពីថ្ងៃទី១២ ខែឧសភា ឆ្នាំ២០២៤ វេលាម៉ោង៤និង៣០នាទីល្ងាច មានភ្លៀង ខ្យល់កន្ត្រាក់ រន្ទះ បានបោកបក់ទៅលើភូមិចំនួនពីរ គឺភូមិតានី និងភូមិថ្មី ដែលបង្កឲ្យមានមនុស្សស្លាប់ និងផ្ទះសម្បែងប៉ើងទៅតាមខ្យល់កន្ត្រាក់។
របាយការណ៍បានបន្តថា នៅមុនពេលកើតហេតុ គឺមានភ្លៀងធ្លាក់មួយមេយ៉ាងខ្លាំង បណ្ដាលឱ្យមានរន្ទះមួយបានកើតឡើងនៅក្នុងភូមិតានី ឃុំល្វា គឺបានបាញ់ទៅលើប្រជាកសិករម្នាក់ឈ្មោះ ផា ណារ៉ាង់ ភេទប្រុស អាយុ៤៨ឆ្នាំ រស់នៅភូមិតានី ឃុំល្វា ស្រុកបវេល ខណៈដែលជនរងគ្រោះកំពុងជិះម៉ូតូឡើងពីស្រែ ដើម្បីត្រឡប់ទៅផ្ទះបណ្ដាលឱ្យស្លាប់ភ្លាមៗនៅតាមដងផ្លូវ។
លោក សុខ សារិន អធិការនគរបាលស្រុកបវេល បានបញ្ជាក់ថា ដោយឡែកនៅភូមិថ្មី ឃុំក្ដុលតាហែន ក៏មានភ្លៀងលាយខ្យល់កន្រ្តាក់ បណ្ដាលអោយខូចខាតផ្ទះរបស់ប្រជាពលរដ្ឋចំនួន៤ខ្នង ស្ទើរទាំងស្រុងផងដែរ ដែលពុំមានប៉ះពាល់ដល់ជីវិតមនុស្ស ឬសត្វឡើយ ក្រៅពីរន្ទះបាញ់ខាងលើ៕
អត្ថបទ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា