សន្តិសុខសង្គម

លោក ជេត ជាលី ថា គ្រោះថ្នាក់ និងអាក្រក់បំផុត មានមនុស្សប្រលែងកូនក្រពើ ក្នុងទឹកស្រះនៅសាកលវិទ្យាល័យភូមិន្ទភ្នំពេញ

បានផុស

៧ ខែ មុន

នៅ

ថ្ងៃពុធ ២២ ឧសភា ២០២៤

ដោយ

លោកបណ្ឌិត ជេត ជាលី សាកលវិទ្យាធិការសាកលវិទ្យាល័យភូមិន្ទភ្នំពេញបានចាត់ទុកជារឿងគ្រោះថ្នាក់ និងអាក្រក់បំផុតដែលមានមនុស្សយកកូនក្រពើមកប្រលែងក្នុងទឹកស្រះសាកលវិទ្យាល័យភូមិន្ទភ្នំពេញ។ នេះបើតាមបណ្តាញសង្គមហ្វេសបុកផ្ទាល់ខ្លួនលោកបណ្ឌិតបង្ហោះនៅថ្ងៃទី២១ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតបានបន្ថែមថា ថ្ងៃនេះជាថ្ងៃសីលធំ សម្រាប់ពុទ្ធសានិកជន មានមនុស្សមួយចំនួនមានជំនឿថាការដោះលែងសត្វឲ្យមានជីវិត និងសេរីភាពក្នុងថ្ងៃនេះជាទង្វើប្រកបដោយកុសលល្អខ្ពង់ខ្ពស់។ ប៉ុន្តែការដោះលែងសត្វមួយចំនួនឲ្យមានជីវិតបែរជាអាចបង្កគ្រោះថ្នាក់ដល់ជីវិតមនុស្សទៅវិញ និងអំពាវនាវឱ្យបញ្ឈប់នូវទង្វើដ៏គ្រោះថ្នាក់នេះជាដាច់ខាត។

លោកបានអរគុណនិងកោតសរសើរដល់បងប្អូនសន្តិសុខប្រចាំនៅសាកលវិទ្យាល័យដែលបានទប់ស្កាត់ទាន់ពេលនូវទង្វើដ៏គ្រោះថ្នាក់នេះ។ សូមទាំងអស់គ្នាមានជំនឿប្រកបដោយវិចារណញ្ញាណត្រឹមត្រូវ។