សន្តិសុខសង្គម
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
អគ្គិភ័យឆាបឆេះ ហាងកាហ្វេដេគ័រទីសុខហេង និងបន្ទប់ រួមជាមួយអគារមួយខ្នងទៀត ដែលហេតុការណ៍នេះ បានកេីតនៅរសៀលថ្ងៃទី៣ ខែមិថុនា ឆ្នាំ ២០២៤ម៉ោង១៦និង១៥នាទី ស្ថិតនៅចំណុចហាងកាហ្វេដេគ័រទីសុខហេង ក្នុងក្រុម១១ ភូមិតាភុល សង្កាត់ស្វាយដង្គំ ក្រុង សៀមរាប ខេត្តសៀមរាប។

បើតាមប្រភាពពីកន្លែងកើតហេតុបានឱ្យដឹងថាអគ្គិភ័យឆាបឆេះនេះ មានផ្សែងខ្លាំងចេញពីផ្ទះបាយហាងកាហ្វេ មិនដឹងមូលហេតុ បន្ទាប់មកក៏មានផ្ទុះធុងហ្កាសទម្ងន់១៥គីឡូក្រាម បណ្តាលឱ្យឆាបឆេះខ្លាំងរាលដាលដល់ហូមស្តរលក់គ្រឿងផ្ទះបាយ ។
បើតាមសមត្ចកិច្ចម្ចាស់ដី និងជាម្ចាស់ហាងកាហ្វេឈ្មោះ ម៉ុង ដាវុឌ្ឍសេរី ភេទ ប្រុស អាយុ ៧៧ឆ្នាំ ជនជាតិខ្មែរ។ចំពោះទំហំនៃការកាខូចខាតមិនទាន់ដឹងច្បាស់នៅឡើយ រងចាំក្រុមការងារជំនាញចុះត្រួតពិនិត្យ។ សមត្ថកិច្ចបានឲ្យដឹងថា ករណីខាងលេីនេះ បានរលត់ទៅវិញនៅវេលាម៉ោង ១៨និង០០ នាទី ថ្ងៃខែឆ្នាំដដែល ដោយបានសមត្ថកិច្ចបានប្រើប្រាស់រថយន្តពន្លត់អគ្គិភ័យអស់ជាច្រើនគ្រឿង។

ពាក់ព័ន្ធនឹងករណីនេះដែរ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានឲ្យដឹងថា បន្ទាប់ពីទទួលបានព័ត៌មាននេះភ្លាម លោកបានដឹកនាំកម្លាំងទៅជួយពន្លត់អគ្គិភ័យនេះ ហើយលោកក៏បានអំពាវនាវឱ្យប្រជាពលរដ្ឋទាំងអស់ត្រូវមានការប្រុងប្រយ័ត្នគ្រប់វិនាទីចំពោះដើមហេតុ ដែលអាចបង្កឱ្យកើតមានអគ្គិភ័យកើតឡើង មានដូចជា ភ្លើងទៀន ភ្លើងធូប ភ្លើងចង្ក្រាន ភ្លើងចង្កៀង រំសេវជាតិផ្ទុះ ប្រេងឥន្ធនៈ ឧស្ម័នចំហេះ សារធាតុគីមីដែលជាវត្ថុងាយឆេះ និងបច្ចេកទេសក្នុងការតប្រព័ន្ធបណ្តាញអគ្គិសនីនៅតាមលំនៅដ្ឋាន សណ្ឋាគារ ផ្ទះសំណាក់ ក្រុមហ៊ុន ភោជនីយដ្ឋាន និងក្លឹបកំសាន្តជាដើម និងសូមចូលរួមសហការជាមួយអាជ្ញាធរ និងសមត្ថកិច្ចជំនាញ ក្នុងការអនុវត្តវិធានការណ៍ទប់ស្កាត់កុំឱ្យមានគ្រោះថ្នាក់អគ្គិភ័យកើតឡើង៕
ដោយ៖ជុន កុសល




-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?