សន្តិសុខសង្គម
ទើបរៀបការជិត ១ ខែ ម្ដាយចែកទ្រព្យឲ្យ ស្រាប់តែចាញ់បោកក្រុមទម្លាក់យោង
ស្ត្រីវ័យ ១៨ ឆ្នាំ ម្នាក់ ទើបរៀបការជិត ១ ខែ ម្ដាយចែកទ្រព្យឲ្យ ស្រាប់តែមកចាញ់បោកក្រុមទម្លាក់យោង ល្បួងនាំទៅចែកមាស ដោយយកគ្រឿងអលង្ការអស់ពីខ្លួន ហើយបានមកវិញនូវខ្សែកកាឡៃ សឹងប៉ុនកូនដៃ មកបង្អួតម្តាយ គ្រាដែលដើរទៅធ្វើការងាររោងចក្រ។
ហេតុការណ៍ខាងលើកើតឡើងកាលពីវេលាម៉ោង ៦ និង ៤៥ នាទីព្រឹក ថ្ងៃទី ១២ ខែមិថុនា ឆ្នាំ ២០២៤ នៅតាមផ្លូវបេតុង ភូមិក្រាំងដូនទៃ សង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ។
ស្ត្រីរងគ្រោះឈ្មោះ បុត្រា សៀវម៉ី អាយុ ១៨ ឆ្នាំ ជាកម្មការិនីរោងចក្រ (ទើបរៀបការហើយបាន ២៨ ថ្ងៃ) មានប្តីជាអ្នកបើកបររថយន្ត ស្នាក់នៅបន្ទប់ជួល លេខ C2 ផ្លូវបេតុង ភូមិកប់គង សង្កាត់ចោមចៅទី ២ ខណ្ឌពោធិ៍សែនជ័យ និងមានស្រុកកំណើតនៅភូមិបឹងព្រោះ ឃុំក្រញូង ស្រុកកំចាយមារ ខេត្តព្រៃវែង។
ចំពោះសម្ភារៈបាត់បង់រួមមាន ៖ ខ្សែកប្លាទីន ១ ខ្សែ ទម្ងន់ ៣ ជី ,ចិញ្ចៀនមាស ២ វង់ ទម្ងន់ ៤ ជី និង ទូរសព្ទដៃ ម៉ាក VIVO ១ គ្រឿង ដោយប្ដូរបានមកវិញនូវខ្សែកកាឡៃ ១ ខ្សែ ថង់ក្រហម ១ កាបូបដៃ ១ ទុកគ្រាន់បង្ហាញប្ដី។
តាមការយំរៀបរាប់ពីស្ត្រីរងគ្រោះបានឲ្យដឹងថា មុនកើតហេតុ ខណៈដើរទៅធ្វើការងាររោងចក្រ ទើបចេញពីបន្ទប់ជួលបានបន្តិច ស្រាប់តែលេចមុខស្ត្រីសង្ស័យម្នាក់ មកសួររឿងគេជ្រុះកញ្ចប់មាស។ មិនទាន់ឆ្លើយផង ក៏មានស្ត្រីសង្ស័យម្នាក់ទៀត ដើរមកប្រាប់ថា កុំមាត់ រូបគេរើសបាន យើងយកទៅចែកគ្នា ហើយក៏ល្បួងខ្លួន(ជនរងគ្រោះ)នាំជិះម៉ូតូហុងដាឌ្រីម ២ គ្រឿង ទៅដល់ផ្លូវបេតុង ភូមិក្រាំងដូនទៃ ក្បែរផ្លូវជាតិលេខ ៣។
ស្ត្រីរងគ្រោះបានឲ្យដឹងទៀតថា ពេលជិះទៅដល់ផ្លូវបេតុងខាងលើ ពួកគេក៏ឈប់ ហើយស្ត្រីសង្ស័យបានហុចថង់ក្រហម លាតស្រាយឲ្យមើល ឃើញខ្សែកក្រហមច្រាល និងដោះយកគ្រឿងអលង្ការពីខ្លួន(ជនរងគ្រោះ) ទាំងទូរស័ព្ទដៃ ១ គ្រឿង។ ក្នុងនោះ ជនសង្ស័យ បានប្រាប់ឲ្យរង់ចាំ ពួកគេទៅកាត់មាសចែកគ្នា ហើយក៏ជិះចេញទៅបាត់អស់។
ស្ត្រីរងគ្រោះបានឲ្យដឹងបន្ថែមថា ក្រុមជនសង្ស័យមានគ្នាសរុប ៤ នាក់ ស្រី ២ នាក់ និងប្រុស ២ នាក់។ ក្រោយពីក្រុមជនសង្ស័យគេចខ្លួនបាត់អស់ រូបខ្លួន(ជនរងគ្រោះ) ក៏ដើរទៅបន្ទប់ជួលវិញ ប្រាប់ម្តាយតាមដំណើររឿង និងហុចថង់មាសឲ្យមើល។ ម្ដាយ និង អ្នកជិតខាង ក៏បានប្រាប់ថា ជាខ្សែកកាឡៃ ចាញ់បោកគេហើយ ពេលនោះ ខ្លួនក៏អស់សង្ឃឹម អង្គុយ ដេកយំ នឹកស្តាយទ្រព្យ។
ដោយឡែកបើតាមស្ត្រីឈ្មោះ វ៉ន សំអូន អាយុ ៥១ ឆ្នាំ ត្រូវជាម្តាយរបស់ជនរងគ្រោះ ស្នាក់នៅបន្ទប់ជួល ២ នាក់ កូនស្រី បានឲ្យដឹងថា កូនស្រីគាត់ទើបរៀបការបានជិត ១ ខែ ខំចែកទ្រព្យ គ្រឿងអលង្ការឲ្យ បែរជាមកចាញ់បោកក្រុមទម្លាក់យោងយកអស់ពីខ្លួនរលីង។
ក្រោយកើតហេតុ ជនរងគ្រោះ និងម្តាយ ត្រូវបានអ្នកភូមិ ណែនាំឲ្យទៅដាក់ពាក្យបណ្ដឹងនៅប៉ុស្តិ៍នគរបាល ដើម្បីសមត្ថកិច្ចជួយស្រាវជ្រាវរកក្រុមមុខសញ្ញាឆបោកទម្លាក់យោងខាងលើ៕
អត្ថបទ ៖ សុខា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
អ្នកឧកញ៉ា ឃុន សៀ និង លោកជំទាវ គោរពជូនពរ សម្ដេចទាំង ៧ ក្នុងឱកាសទទួលអំណរឆ្នាំថ្មី ឆ្នាំសកល ២០២៤
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ