សន្តិសុខសង្គម

ដើមក្ងោកមួយដើមធំ បាក់សង្កត់លើរថយន្តមួយគ្រឿង ខណៈមេឃធ្លាក់ភ្លៀងមួយមេធំ លាយឡំខ្យល់កន្ត្រាក់

បានផុស

១០ ខែ មុន

នៅ

ថ្ងៃពុធ ១២ មិថុនា ២០២៤

ដោយ

ភ្នំពេញ ៖ ភ្លៀងមួយមេធំលាយឡំខ្យល់កន្ត្រាក់បណ្តាលឱ្យដើមក្ងោកពុកផុយមួយដើមធំបាក់សង្កត់លើរថយន្តមួយគ្រឿងរងការខូចខាតយ៉ាងដំណំ កាលពីវេលាម៉ោង០៤នឹង៤០នាទីរសៀលថ្ងៃទី១២ ខែមិថុនា ឆ្នាំ២០២៤ នៅចំណុចក្លិបNINE9 ផ្លូវសុធារស សង្កាត់ចតុមុខ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ក្រសួងធនធានទឹកនិងឧតុនិយមនៅថ្ងៃទី១២ ខែមិថុនា ឆ្នាំ២០២៤ បានបញ្ជាក់ឱ្យដឹងថា សម្ពាធទាបគ្របដណ្តប់មកលើឈូងសមុទ្រថៃព្រះរាជាណាចក្រកម្ពុជាភាគកណ្តាលនៃអាងទន្លេមេគង្គនិងសមុទ្រចិនខាងត្បូង។

ស្ថានភាពបែបនេះនឹងធ្វើឱ្យ ចាប់ពីថ្ងៃទី១២ដល់ថ្ងៃទី១៤ ខែមិថុនា ឆ្នាំ២០២៤តំបន់វាលទំនាប៖ សីតុណ្ហភាពអប្បបរមា២៣°Cនិងសីតុណ្ហភាពអតិបរមា៣៣°C។ខ្យល់បក់មកពីទិសនិរតីនិងអាគ្នេយ៍មានល្បឿនមធ្យម២,៥ម៉ែត្រវិនាទី។ ខេត្តបន្ទាយមានជ័យបាត់ដំបងសៀមរាបពោធិ៍សាត់កំពង់ឆ្នាំងកំពង់ធំកំពង់ចាមត្បូងឃ្មុំព្រៃវែងស្វាយរៀងតាកែវកណ្តាលនិងភ្នំពេញអាចមានភ្លៀងធ្លាក់ជាមួយផ្គររន្ទះនិងខ្យល់កន្ត្រាក់គ្របដណ្តប់លើផ្ទៃដី១៥%៕

ដោយ ៖ សុខា