សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ

នៅវេលាម៉ោង ៦ល្ងាចថ្ងៃទី ១៧ ខែមិថុនា នេះ សមត្ថកិច្ចស្រុកអង្គស្នួល ខេត្តកណ្ដាល បានចាប់ខ្លួនជនសង្ស័យម្នាក់ទៀត ដែលប្រើអាវុធខ្លី បាញ់ស្រោចបណ្ដាលឱ្យមនុស្សពីរនាក់ស្លាប់ និងម្នាក់រងរបួស នៅក្នុងបុរីប៉េងហួតបឹងស្នោ ស្ថិតនៅក្នុងខណ្ឌច្បារអំពៅ រាជធានីភ្នំពេញ។ នេះបើតាមការឱ្យដឹងពីសំណាក់សមត្ថកិច្ចស្រុកអង្គស្នួល។

ខណៈកាលពីម៉ោង៥ល្ងាច​​ សមត្ថកិច្ចបានឃាត់ខ្លួនជនសង្ស័យម្នាក់នៅត្រង់ចំណុចខណ្ឌឬស្សីកែវ រាជធានីភ្នំពេញ។

យ៉ាងណាសមត្ថកិច្ចមិនទាន់បង្ហាញពីអត្តសញ្ញាណលម្អិតរបស់ជនសង្ស័យទាំងពីររូបនេះឡើយ​ ព្រោះស្ថិតនៅក្នុងដំណាក់កាលបន្តនីតិវិធី។

គួរឱ្យដឹងថា តាមចម្លើយរបស់សាក្សីដែលជាជនរងគ្រោះម្នាក់នៅក្នុងហេតុការណ៍នោះ បានឱ្យដឹងថា មុនពេលកើតហេតុ គាត់ និងម្ចាស់ផ្ទះជនរងគ្រោះកំពុងតែបំពេញកាងារ សុខៗក៏ស្រាប់តែលេចមុខជនល្មើសដើរលបចូលមកក្នុងផ្ទះរួចនិយាយគ្នាចុះឡើងរឿងហាលខោអាវ រហូតដល់តឹងសសៃករដាក់គ្នា។

ភ្លាមៗស្រាប់តែ ជនល្មើសទ្រាំមិនបានក៏ដកកាំភ្លើងខ្លីពីចង្កេះបាញ់ជាច្រើនគ្រាប់តែម្ដង រួចក៏រត់គេចខ្លួនតាមរថយន្៕