សន្តិសុខសង្គម

ខ្យល់កន្ត្រាក់បោកបក់បំផ្លាញផ្ទះពលរដ្ឋ២៤ខ្នង នៅស្រុកបវេល

បានផុស

៦ ខែ មុន

នៅ

ថ្ងៃអង្គារ ១៨ មិថុនា ២០២៤

ដោយ

ភូមិចំនួន២ នៅក្នុងស្រុកបវេល ខេត្តបាត់ដំបង ត្រូវបានខ្យល់កន្ត្រាក់បោកបក់បង្កឲ្យមានការខូចខាតលំនៅឋានប្រជាពលរដ្ឋចំនួន២៤ខ្នង ដែលលំនៅឋានខ្លះត្រូវបានខ្ទេចខ្ទីទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់សមត្ថកិច្ចមូលដ្ឋានបានឲ្យដឹងថា ករណីគ្រោះធម្មជាតិនេះបានកើតឡើងនៅថ្ងៃទី១៦ ខែមិថុនា ឆ្នាំ២០២៤ វេលាម៉ោង ៦និង១០នាទីល្ងាច មានភ្លៀងមួយមេយ៉ាងធំលាយឡំនឹងខ្យល់កន្ត្រាក់បានកើតឡើងនៅចំនុច ភូមិព្រៃធំ និងភូមិត្រពាំងក្បាលស្វា ក្នុងឃុំឃ្លាំងមាស ស្រុកបវេល ខេត្តបាត់ដំបង។

នៅក្នុងហេតុការណ៍នោះដែរ ខ្យល់កន្ត្រាក់បានបំផ្លាញផ្ទះពលរដ្ឋបណ្ដាលឱ្យរបើក និងដួលផ្ទះរបស់ប្រជាពលរដ្ឋសរុបចំនួន២៤ខ្នង និងខូចខាតសម្ភារ:មួយចំនួន ក្នុងនោះភូមិព្រៃធំចំនួន ៩ខ្នងផ្ទះ និងភូមិត្រពាំងក្បាលស្វាចំនួន១៥ខ្មងផ្ទះ ប៉ុន្តែនៅក្នុងករណីនេះពុំមានប៉ះពាល់ដល់អាយុជីវិតមនុស្ស និងសត្វឡើយ៕

អត្ថបទ៖ សោ និយមរ័ត្ន