សន្តិសុខសង្គម
ជនដៃដល់បាញ់សម្លាប់ជនរងគ្រោះនៅបុរីប៉េងហួតបឹងស្នោរបានបញ្ជូនដល់នាយកដ្ឋាននគរបាលព្រហ្មទណ្ឌអគ្គស្នងការនគរបាលជាតិ
ជនដៃដល់ឈ្មោះ ស្រី ស៊ីណា មានគោរមងារជាឧកញ៉ា ដែលបើកការបាញ់ប្រហារលើជនរងគ្រោះរងគ្រោះ៤នាក់នៅក្នុងបុរីប៉េងហួតបឹងស្នោរ ក្នុងសង្កាត់និរោធ ខណ្ឌច្បារអំពៅ កាលពីល្ងាចថ្ងៃទី១៧មិថុនាម្សិលមិញនេះ ត្រូវបានកម្លាំងសមត្ថកិច្ចកសាងសំណុំរឿងបញ្ជូនដល់នាយកដ្ឋាននគរបាលព្រហ្មទណ្ឌអគ្គស្នងដ្ឋានការនគរបាលជាតិ ក្រសួងមហាផ្ទៃហើយ ដើម្បីបន្តនីតិវិធី។ នេះបើតាមការបញ្ជាក់ពីលោកឧត្ដមសេនីយ៍ឯក ឆាយ គឹមឃឿន អ្នកនាំពាក្យនៃអគ្គស្នងការដ្ឋាននគរបាលជាតិ បានប្រាប់កម្ពុជាថ្មី នៅរសៀលថ្ងៃទី១៨មិថុនានេះ។ លោកបន្ថែមថា សំណុំរឿងនេះបានបញ្ជូនមកដល់នាយកដ្ឋាននគរនបាលព្រហ្មទណ្ឌហើយ និងកំពុងរៀបចំបែបបទដើម្បីកសាងតាមនីតិវិធីបន្ត។
![](https://www.kampucheathmey.com/wp-content/uploads/2024/06/feature-1024x539.jpg)
កាលពីវេលាម៉ោង៣និង៥០នាទីរសៀល ថ្ងៃទី១៧ ខែមិថុនា ឆ្នាំ២០២៤ ជនដៃដល់ឈ្មោះ ស្រី ស៊ីណា ភេទប្រុស អាយុ៥០ឆ្នាំ ដែលមានគោរមងារជាឧកញ៉ា បានបើកការបាញ់ប្រហារលើជនរងគ្រោះ៤នាក់ដល់ក្នុងផ្ទះ នៅចំនុចបុរីប៉េង ហួត បឹងស្នារ ស្ថិតនៅភូមិបឹងឈូក សង្កាត់និរោធ ខណ្ឌច្បារអំពៅ។ បន្ទាប់ពីបាញ់ប្រហារលើជនរងគ្រោះ ជនដៃដល់បានព្យាយាមបើករថយន្ដគេចខ្លួន តែត្រូវបានកម្លាំងសមត្ថកិច្ចតាមឃាត់ខ្លួនបាននៅស្រុកអង្គស្នួលខេត្តកណ្ដាល និងបានបញ្ជូនមកកាន់អធិការដ្ឋាននគរបាលខណ្ឌច្បារអំពៅដើម្បីសួរនាំ។
សូមជម្រាបថា ក្នុងករណីបាញ់ប្រហារជាច្រើនគ្រាប់នេះ បានបណ្ដាលឱ្យជនរងគ្រោះចំនួន៤នាក់រួមមាន ទី១/ឈ្មោះ ឡុង វិសុង ភេទប្រុស អាយុ២៧ឆ្នាំ ស្នាក់នៅចំនុចកើតហេតុ ស្លាប់នៅកន្លែងកើតហេតុ។ ទី២/ឈ្មោះ ឃីម កញ្ចនា ភេទស្រី អាយុ២៥ឆ្នាំ ស្លាប់ក្រោយពីបញ្ជូនទៅដល់មន្ទីរពេទ្យ។ ទី៣/ឈ្មោះ សុខុម ចរណៈ ភេទប្រុស អាយុ២០ឆ្នាំ រងរបួសស្រាល និងទី៤ឈ្មោះ ហុង រិទ្ធារក្ស័ ភេទប្រុស អាយុ២៤ឆ្នាំ របួសស្រាល កំពុងសម្រាកព្យាបាលនៅមន្ទីរពេទ្យកាល់ម៉ែត្រ៕
អត្ថបទ៖ សុខុម
![](https://www.kampucheathmey.com/wp-content/uploads/2024/06/photo_2024-06-17_19-17-26-1024x768.jpg)
![](https://www.kampucheathmey.com/wp-content/uploads/2024/06/photo_2024-06-17_19-02-44-576x1024.jpg)
![](https://www.kampucheathmey.com/wp-content/uploads/2024/06/MSVDSV-1-1024x614.jpg)
![](https://www.kampucheathmey.com/wp-content/uploads/2024/06/448466163_919470313524613_8049904642840336331_n-1024x768.jpg)
![](https://www.kampucheathmey.com/wp-content/uploads/2024/06/photo_2024-06-17_19-17-31-1024x576.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ