សន្តិសុខសង្គម
ដំរីព្រៃ ជាន់ពលករខ្មែរម្នាក់ស្លាប់នៅខេត្តច័ន្ទបុរីប្រទេសថៃ
ពលការិនីខ្មែរម្នាក់បានស្លាប់នៅក្នុងចំការកៅស៊ូ បន្ទាប់ពីត្រូវបានសត្វដំរីព្រៃមួយក្បាលចូលមកអុកឡុកដេញជាន់ទាំងកំរោល។
យោងតាមការផ្សាយរបស់គេហទំព័រក្នុងស្រុកប្រទេសថៃបានបញ្ជាក់ថា ហេតុការណ៍នេះបានកើតឡើងនៅវេលាម៉ោង ៦ និង ៣០ នាទីព្រឹក នាថ្ងៃទី ១៨ ខែមិថុនា ឆ្នាំ២០២៤ នៅក្នុងបរិវេណចំការកៅស៊ូមួយកន្លែង ក្នុងស្រុកកែងហាងម៉េវ ខេត្តច័ន្ទបុរី ប្រទេសថៃ។
តាមការអះអាងពីមិត្តភក្កិរួមការងារជាមួយជនរងគ្រោះបាននិយាយថា នៅមុនពេលកើតហេតុពួកគេទាំងអស់គ្នា មានចំនួន ៦ នាក់ បានធ្វើដំណើរចូលទៅក្នុងចំការកៅស៊ូ ព្រមទាំងបានបែកផ្លូវគ្នាដើម្បីទៅចាក់យកជ័រកៅស៊ូ។ ភ្លាមៗនោះដែរក៏ស្រាប់តែឃើញមានដំរីព្រៃមួយក្បាលយ៉ាងធំថែមទាំងមានភ្លុក បានដេញពួកគេទាំងអស់គ្នារត់ប្រសេចប្រសាចហើយដំរីនោះក៏បានដេញតាមជនរងគ្រោះរហូតទាន់ដោយបានទាត់មួយជើង និងជាន់បន្ថែមរួចក៏រត់បន្តចូលទៅក្នុងព្រៃបាត់ទៅ។ភ្លាមៗក៏រៀបចំបម្រុងនាំជនរងគ្រោះបញ្ជូនទៅកាន់មន្ទីរពេទ្យ ប៉ុន្តែជាអកុសលស្លាប់បាត់ទៅហើយ។
ជនរងគ្រោះមានឈ្មោះ ស៊ីម សុគន្ធ ភេទស្រី អាយុ ២៣ ឆ្នាំ មានស្រុកកំណើតនៅភូមិរិទ្ធី ២ ឃុំកែវផុស ស្រុកស្ទឹងហាវ ខេត្តព្រះសីហនុ បានទៅធ្វើការងារជាកម្មករនៅក្នុងចំការកៅស៊ូនា ខេត្តច័ន្ទបុរី ប្រទេសថៃ។
បច្ចុប្បន្នសមត្ថកិច្ចថៃបាននិងកំពុងរៀបចំសពដើម្បីបញ្ជូនមកកម្ពុជាវិញ ក្នុងការរៀបចំធ្វើបុណ្យតាមប្រពៃណីនៅឯស្រុកកំណើត៕
អត្ថបទ៖សោ និយមរ័ត្ន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា