សន្តិសុខសង្គម
App No Drugបានជួយឲ្យប្រតិបត្តិការបង្ក្រាបគ្រឿងញៀនរបស់សមត្ថកិច្ចមានប្រសិទ្ធភាពខ្ពស់
ក្នុងមួយរយៈក្រោយមកនេះ កម្លាំងសមត្ថកិច្ចជំនាញបានធ្វើការបង្ក្រាបបទល្មើសគ្រឿងញៀនប្រកបដោយប្រសិទ្ធិភាព តាមរយៈ App Nodrug បន្ទាប់ពីមានការសហការចូលរួមរាយការណ៍ពីប្រជាពលរដ្ឋជាបន្តបន្ទាប់។
![](https://www.kampucheathmey.com/wp-content/uploads/2024/06/photo_2024-06-21_10-47-02-1024x524.jpg)
App នេះ ត្រូវបានអាជ្ញាធរជាតិប្រយុទ្ធប្រឆាំងគ្រឿងញៀនបង្កើតឡើង សម្រាប់ឱ្យបងប្អូនប្រជាពលរដ្ឋទូទៅទាំងអស់នៅក្នុងប្រទេស អាចរាយការណ៍មកកាន់សមត្ថកិច្ច ស្តីពីការចរាចរគ្រឿងញៀន ការសេពគ្រឿងញៀន ឬក៏ប្រទះឃើញជនដែលមានពាក់ព័ន្ធនឹងគ្រឿងញៀន ដើម្បីអាចឱ្យសមត្ថកិច្ចចុះទៅអន្តរាគមន៍បង្ក្រាបទាន់ពេលវេលា។
នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន បានបញ្ជាក់ថា ក្នុងយុគ្គសម័យឌីជីថលនេះ ប្រជាពលរដ្ឋ ពិសេសស្រទាប់យុវជន សុទ្ធសឹងតែមានទូរស័ព្ទស្មាតហ្វូនប្រើប្រាស់ ដូច្នោះហើយអ្នកទាំងអស់គ្នាអាចដោនឡត App Nodrug ចូលទៅកាន់ទូរស័ព្ទដៃ ដើម្បីអាចរាយការណ៍ជូនសមត្ថកិច្ចពីបញ្ហាគ្រឿងញៀន និងអាចរៀនសូត្រពីចំណេះដឹងទាក់ទងនឹងផលវិបាក នៃគ្រឿងញៀនបន្ថែមផងដែរ។
![](https://www.kampucheathmey.com/wp-content/uploads/2024/06/photo_2024-06-21_10-58-46-1024x576.jpg)
ប្រជាពលរដ្ឋ បានបង្ហាញការគាំទ្រ ចំពោះការដាក់ឱ្យប្រើប្រាស់ App NoDrug ដែលវាអាចឱ្យពួកគាត់ធ្វើការផ្តល់ព័ត៌មានជូនសមត្ថកិច្ចបានទាន់ពេល និងលឿនរហ័ស នៅពេលជួបប្រទះពីសកម្មភាពប្រើប្រាស់ និងការជួញដូរគ្រឿងញៀន នៅតាមតំបន់នានា ពិសេសនៅក្នុងតំបន់ភូមិឋានរស់នៅអចិន្ត្រៃយ៍ របស់ពួកគាត់ទាំងអស់គ្នា។
![](https://www.kampucheathmey.com/wp-content/uploads/2024/06/photo_2024-06-21_10-58-49-1024x576.jpg)
គួរបញ្ជាក់ថា ក្នុងរយៈពេលក្រោយមកនេះ នគរបាលកម្ពុជា តែងបានធ្វើការបង្ក្រាបករណីជួញដូរ និងផលិតគ្រឿងញៀនធំៗជាច្រើនករណី ដោយបានឃាត់ខ្លួនក្រុមឧក្រិដ្ឋជនជាច្រើននាក់ និងដកហូតថ្នាំញៀនរាប់សិបតោន ជាបន្តបន្ទាប់ដើម្បីអនុវត្តនីតិវិធីច្បាប់។ ហើយកាលពីពេលថ្មីៗនេះ គ្រឿងញៀនជាច្រើនតោន ក៏ត្រូវបានអាជ្ញាធរជាតិប្រយុទ្ធប្រឆាំងគ្រឿងញៀន បានរៀបចំពិធីដុតបំផ្លាញចោលផងដែរ៕
អត្ថបទ៖ សុភា
![](https://www.kampucheathmey.com/wp-content/uploads/2024/06/photo_2024-06-21_10-58-43-1024x576.jpg)
![](https://www.kampucheathmey.com/wp-content/uploads/2024/06/photo_2024-06-21_10-58-39-1024x576.jpg)
![](https://www.kampucheathmey.com/wp-content/uploads/2024/06/photo_2024-06-21_10-58-33-1024x576.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ