សន្តិសុខសង្គម
ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ
ស្ដ្រីម្ចាស់គណនី TikTok មួយរូប ត្រូវបាននគរបាលជំនាញ នៃខេត្តសៀមរាប ឃាត់ខ្លួនបន្ទាប់ពីបង្ហោះវីដេអូភ្ជាប់ជាមួយសំឡេងដែលលឺសូរដូចសំឡេងផ្ទុះអាវុធ នាំឱ្យមានការយល់ច្រឡំ និងប៉ះពាល់ដល់សន្ដិសុខជាតិ។
![](https://www.kampucheathmey.com/wp-content/uploads/2024/06/photo_2024-06-23_07-50-11-576x1024.jpg)
លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានប្រាប់ “កម្ពុជាថ្មី” ឱ្យដឹងថា ក្រោយឃើញវីដេអូនោះត្រូវបានគេចែកចាយ និងដោយអនុវត្តតាមបទបញ្ជារបស់ នាយឧត្តមសេនីយ៍ ស ថេត អគ្គស្នងការនគរបាលជាតិ លោកបានបញ្ជាកម្លាំងការិយាល័យប្រឆាំងបទល្មើសបច្ចេកវិទ្យាខេត្ត សហការជាមួយកម្លាំងនាយកដ្ឋានប្រឆាំងបទល្មើសបច្ចេកវិទ្យា ស្រាវជ្រាវបន្ទាន់លើករណីនេះ។
![](https://www.kampucheathmey.com/wp-content/uploads/2024/06/Screenshot-3581-1024x576.png)
កម្លាំងជំនាញបានកោះហៅ ឈ្មោះ ហម ផល់ ភេទស្រី អាយុ ២៥ ឆ្នាំ មានស្រុកកំណើត ភូមិត្រពាំងផុង ឃុំពពេល ស្រុកសូទ្រនិគម អាស័យដ្ឋានបច្ចុប្បន្ន ភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប មុខរបរ បុគ្គលិកតូបលក់ចាប់ហួយ គឺជាម្ចាស់គណនី Tik Tok ឈ្មោះ Srey Pol952 ដែលបានបង្ហោះវីដេអូ អមដោយសម្លេងផ្ទុះអាវុធ លើបណ្ដាញសង្គម Tik Tok មកសាកសួរនៅកន្លែងសមត្ថកិច្ច។
![](https://www.kampucheathmey.com/wp-content/uploads/2024/06/Screenshot-3578-1024x576.png)
នៅចំពោះមុខសមត្ថកិច្ច ស្ដ្រីខាងលើបានសារភាពថា នៅអំឡុង ឆ្នាំ២០២២ ខ្លួនបានបង្កេីតគណនី Tik Tok ឈ្មោះ Srey Pol952 ដេីម្បីលេងកម្សាន្ដ។ ក្រោយមកអំឡុង ឆ្នាំ២០២៣ ខ្លួនបានថតនៅលេីដងផ្លូវសាធារណៈចំណុចកន្លែងហាងខ្លួនលក់ចាបហួយ មានរយៈពេល ១០ វិនាទី ជាលក្ខណៈដូចមានការភ័យស្លន់ស្លោ អមដោយសំឡេងផ្ទុះអាវុធ ដោយសំឡេងនោះ គឺខ្លួនបានទាញយកពីគណនី Tik Tok (មិនចាំឈ្មោះ) ក្នុងចេតនាបង្ហោះលេងប៉ុណ្ណោះ។
![](https://www.kampucheathmey.com/wp-content/uploads/2024/06/Screenshot-3580-1024x576.png)
លុះដល់ថ្ងៃទី១៩ ខែមិថុនា ឆ្នាំ២០២៤ ស្រាប់តែខ្លួនបានឃេីញគណនី TikTok របស់ខ្លួន បានលោតរំលឹកវីដេអូចាស់ដែលបានបង្ហោះខាងលេីម្តងទៀត ពេលនោះខ្លួនក៏បានបង្ហោះលេងសារជាថ្មី ដែលមានអ្នកចូលមេីលច្រើន ដោយខ្លួនពុំបានគិតដល់នាំឱ្យមានការប៉ះពាល់ដល់សន្តិសុខ សណ្តាប់ធ្នាប់សង្គមនោះទេ។
![](https://www.kampucheathmey.com/wp-content/uploads/2024/06/Screenshot-3576-1024x576.png)
ក្រោយបញ្ចប់ការសួរនាំ សមត្ថកិច្ច នៃស្នងការដ្ឋាននគរបាលខេត្តសៀមរាប បានធ្វេីកិច្ចសន្យា អប់រំណែនាំ និងថតវីដេអូសុំទោសជាសាធារណៈ៕
អត្ថបទ៖ ជុន កុសល
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក