សន្តិសុខសង្គម
ជនរងគ្រោះដោយឥទ្ធិពលគ្រឿងញៀននៅកម្ពុជាប្រមាណ ៩០ ភាគរយ ជាយុវជន
នៅថ្ងៃទី ២៦ ខែមិថុនា ឆ្នាំ ២០២៤ នេះ លោកនាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានឱ្យដឹងថា ជនរងគ្រោះ ដោយសារឥទ្ធិពលគ្រឿងញៀន ប្រមាណ ៩០ ភាគរយ នៅប្រទេសកម្ពុជា គឺជាយុវជន ដែលមានអាយុ ១៨ ឆ្នាំ ឬក្រោមនេះ។

លោកនាយឧត្ដមសេនីយ៍ មាស វិរិទ្ធ បានឱ្យដឹងទៀតថា យុវជនរងគ្រោះក្នុងឥទ្ធិពល នៃគ្រឿងញៀន គឺភាគច្រើនជាបុគ្គលមានការភ្លើតភ្លើន ដែលចង់ដឹង ចង់សាកល្បង ឬជាបុគ្គលធ្លាក់ខ្លួនចូលទៅក្នុងបរិបទ នៃគ្រឿងញៀន តាមរយៈការអូសទាញរបស់ជនប្រើប្រាស់គ្រឿងញៀន ជាកត្តាធ្វើឱ្យពួកគេក្លាយជាជនរងគ្រោះដោយគ្រឿងញៀន។
ប្រជាពលរដ្ឋ សិស្ស-និស្សិត បានបង្ហាញការយល់ឃើញស្រដៀងៗ គ្នា ថា គ្រឿងញៀន គឺជាដើមចមចម្បងបំផុត នៃការបំផ្លាញធនធានមនុស្ស និងសង្គមជាតិ។ គ្រឿងញៀន បានបំផ្លាញរាល់បុគ្គលទាំងឡាយណាដែលប្រើប្រាស់វា ដោយផ្លាស់ប្ដូរពីមនុស្សស្លូតត្រង់ ទៅជាមនុស្សដទៃម្នាក់ផ្សេងទៀត អាចប្រព្រឹត្តិនូវអំពើអាក្រក់ៗ ជាច្រើន ដែលសង្គមជាតិស្អប់ខ្ពើម។ មិនតែប៉ុណ្ណោះ គ្រឿងញៀន បានបំផ្លាញខ្លួនឯង គ្រួសារ និងសង្គមជាតិ ក្នុងនាមយុវជន ត្រូវឆ្លើយថាទេចំពោះគ្រឿងញៀន។

គួរបញ្ជាក់ថា រយៈពេលក្រោយមកនេះ នគរបាលកម្ពុជា តែងបានធ្វើការបង្ក្រាបករណីជួញដូរ និងផលិតគ្រឿងញៀនធំៗ ជាច្រើនករណី ដោយបានឃាត់ខ្លួនក្រុមឧក្រិដ្ឋជនជាច្រើននាក់ ដើម្បីអនុវត្តនីតិវិធីច្បាប់ និងដកហូតថ្នាំញៀនរាប់ពាន់គីឡូជាបន្តបន្ទាប់ ហើយក៏តែងបានរៀបចំពិធីដុតបំផ្លាញគ្រឿងញៀនកម្ទេចចោលជារៀងរាល់ឆ្នាំផងដែរ។
ចំពោះបញ្ហាគ្រឿងញៀននេះដែរ ក៏ជាការងារអាទិភាពចម្បងទី ០៤ ដែលរាជរដ្ឋាភិបាលអាណត្តិទី ៧ បានគិតគូរយកចិត្តទុកដាក់ក្នុងការបង្ការ ទប់ស្កាត់ និងបង្ក្រាប ឱ្យមានប្រសិទ្ធភាពខ្ពស់បំផុត ដើម្បីកាត់បន្ថយ និងឈានទៅរកការលុបបំបាត់គ្រឿងញៀនចេញពីប្រទេសជាតិ៕
អត្ថបទ ៖ សុភា






-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?