សន្តិសុខសង្គម
បុរសជនជាតិចិនម្នាក់ធ្លាក់ពីលើរថយន្តរងរបួស ស្រាប់តែជនជាតិ១ក្រុម លើកដាក់រថយន្តបើករត់គេចផ្អើលសមត្ថកិច្ចដេញឃាត់
បុរសជនជាតិចិនម្នាក់បានឈរតោងជញ្ជាំងរថយន្តមួយគ្រឿង ខណៈរថយន្តនោះបើកបរក្នុងល្បឿនលឿន បណ្ដាលឲ្យធ្លាក់ពីលើរថយន្តបោកក្បាលរងរបួសធ្ងន់ រួចបើករត់ទៅបាត់ បន្ទាប់មកស្រាប់តែមានជនជាតិចិនជាច្រើននាក់ទៀតជិះរថយន្តក្រុង១គ្រឿងទៅដល់ឈប់នៅទីនោះ។
![](https://www.kampucheathmey.com/wp-content/uploads/2024/06/photo_2024-06-30_10-04-35-1024x768.jpg)
ខណៈដែលអ្នកបើកបររថយន្តដែលជាជនជាតិខ្មែររវល់តែជជែកភ្លេចខ្លួន ស្រាប់ជនជាតិចិន៤ទៅ៥នាក់លើកអ្នករបួសដាក់លើរថយន្ត រួចបើករត់គេចយ៉ាងលឿនតែម្ដងប៉ុន្តែត្រូវបានសមត្ថកិច្ចឃាត់បានមកវិញ។
ហេតុការណ៍នេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៥៖៥០នាទីព្រឹកថ្ងៃទី៣០ ខែមិថុនា ឆ្នាំ២០២៤ នៅតាមមហាវិថីឈ្នះឈ្នះ មុខរោងចក្រកាត់ដេរ ប៊ឺរី ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ។
![](https://www.kampucheathmey.com/wp-content/uploads/2024/06/photo_2024-06-30_10-03-04-1024x576.jpg)
បុរសរងគ្រោះខាងលើនោះគឺជាជនជាតិចិន ហើយមិនទាន់ត្រូវបានស្គាល់អត្តសញ្ញាណនៅឡើយទេ គាត់ស្ពាយកបូប១ជាប់ខ្លួន ហើយនៅក្នុងកាបូបនោះមានលុយចំនួន៣៦០ដុល្លារ និងមិនមានលិខិតឆ្លងដែននោះទេ សមត្ថកិច្ចបានបញ្ជូនគាត់ទៅសង្រ្គោះនៅមន្ទីរពេទ្យតេជោសន្ដិភាព។
បុរសជាសន្តិសុខរោងចក្រកាត់ដេរ ប៊ឺរី បាននិយាយថា នៅមុនពេលកើតហេតុគាត់បានឃើញបុរសរងគ្រោះជិះឈរលើជញ្ជាំងររថយន្តមិនស្គាល់ម៉ាក១គ្រឿង ហើយរថយន្តនោះបើកបរក្នុងល្បឿនលឿនពីជើងទៅត្បូងឡាកួរពេញផ្លូវ។ លុះពេលទៅដល់ត្រង់ចំណុចកើតហេតុ ស្រាប់តែបុរសដែលឈរតោងនោះតោងលែងជាប់ហើយធ្លាក់ពីលើរថយន្តបោកក្បាល បែកហូរឈាមរងរបួសធ្ងន់ធ្ងរសន្លប់ស្ដូកស្ដឹង ចំណែករថយន្តនោះបើកគេចទៅបាត់។
![](https://www.kampucheathmey.com/wp-content/uploads/2024/06/photo_2024-06-30_10-04-33-1024x768.jpg)
ប្រភពដដែលបានឲ្យដឹងទៀតថា ពេលនោះបានបង្កឲ្យមានការភ្ញាក់ផ្អើលយ៉ាងខ្លាំង ហើយមួយសន្ទុះក្រោយមកក៏មានមានជនជាតិចិនច្រើននាក់ជិះរថយន្តក្រុង១គ្រឿងផ្សេងទៀតទៅដល់ ហើយបានឈប់នៅទីនោះ។
រថយន្តក្រុងខាងលើពណ៌សឆ្នូតលឿង ពាក់ស្លាកលេខភ្នំពេញ3C-9965 បើកបរដោយបុរសជនជាតិខ្មែរម្នាក់ បន្ទាប់មកបុរសអ្នកបើកបររថយន្តបានចុះពីលើរថយន្ត ដោយពុំបានពន្លត់ម៉ាសុីន និងដកសោរចេញទេ។
![](https://www.kampucheathmey.com/wp-content/uploads/2024/06/photo_2024-06-30_10-08-03-1024x768.jpg)
ប្រភពខាងលើបានឲ្យដឹបន្តថា ពេលនោះបុរសជនជាតិចិន៤ទៅ៥នាក់បានចុះពីលើរថយន្ត ហើយខណៈអ្នកបើកបររថយន្តរវល់តែជជែកភ្លេចខ្លួន ជនជាតិចិនទាំងនោះក៏បានលើកអ្នករបួសដាក់លើរថយន្តរួចបើករត់គេចខ្លួនយ៉ាងលឿន ហើយគាត់ក៏បានដេញតាម។
ចំណែកឯនគរបាលប៉ុស្តិ៍ចោមចៅទី៣ ព្រមទាំងនគបាលការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញ ជួយចេញស្ទាក់ឃាត់បាននៅផ្លូវជាតិលេខ៤ ភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ។
![](https://www.kampucheathmey.com/wp-content/uploads/2024/06/photo_2024-06-30_10-08-01.jpg)
សមត្ថកិច្ចបានប្រាប់ថា ក្រោយពេលឃាត់រថយន្តនោះបានឃើញមានមនុស្សចំនួន៤០នាក់ស្រី២នាក់ជិះនៅលើរថយន្តនោះ ក្នុងនោះមានជនជាតិចិនចំនួន៣៩នាក់ និងស្រ្តីខ្មែរម្នាក់។
បន្ទាប់មកបានបញ្ជូនទៅកាន់ប៉ុស្តិ៍នគរបាលរដ្ឋបាលត្រពាំងក្រសាំង ដើម្បីធ្វើការសួរនាំ និងបានបញ្ជូនទៅសង្រ្គោះនៅមន្ទីរពេទ្យតោជោសន្តិភាព ហើយពុំទាន់ដឹងថារឿងនេះគឺជាករណីអ្វីនៅឡើយ៕
អត្ថបទ៖ សំណាង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ១ សប្តាហ៍ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ១ សប្តាហ៍ ago
គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់