សន្តិសុខសង្គម

បង្ក្រាបទីតាំងលួចបង្កប់ល្បែងស៊ីសង សមត្ថកិច្ចឃាត់ខ្លួនមនុស្សប្រុសស្រី២០នាក់

បានផុស

១១ នាទី មុន

នៅ

ថ្ងៃអង្គារ ២ កក្កដា ២០២៤

ដោយ

កម្លាំងគណៈបញ្ជាការឯកភាពខណ្ឌចំការមន សហការជាមួយកម្លាំងសមត្ថកិច្ចមូលដ្ឋាន បានធ្វើការចុះបង្ក្រាបទីតាំងមួយកន្លែងលួចបង្កប់ល្បែងស៊ីសង ដោយបានឃាត់ខ្លួនមនុស្សប្រុសស្រីចំនួន២០នាក់ ក្នុងនោះមានស្រី៧នាក់ ប្រុស១៣មានជនជាតិចិន និងខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរង្វង់ប្រតិបត្តិការនេះ បានធ្វើឡើងនៅវេលាម៉ោង៨យប់ថ្ងៃទី១ ខែកក្កដា ឆ្នាំ២០២៤ នៅចំណុចជិតស្ពានហង្សកោះពេជ្រ ផ្លូវសបិទ សង្កាត់ទន្លេបាសាក់ ខណ្ឌចំការមន ។

ប្រពភពពីកន្លែងកើតហេតុបានដឹងថា មុននឹងកម្លាំងអាជ្ញាធរមានសមត្ថកិច្ចចុះបង្ក្រាប ទីតាំងខាងលើដោយមានការរាយការណ៍ ពីប្រជាពលរដ្ឋថាមានបង្កប់ល្បែងស៊ីសងជាប្រភេទហ្គេមបាញ់ត្រី និងល្បែងផ្សេងៗទៀត ដូចកាស៊ីណូទៅហើយ ដូចនេះហើយនៅយប់ថ្ងៃកើតហេតុ កម្លាំងគណៈបញ្ជាការឯកភាពខណ្ឌចំការមន បានដឹកនាំកម្លាំងឆ្មក់បង្ក្រាបដោយបានធ្វើការឃាត់បានមនុស្សប្រុសស្រី ចំនួន២០នាក់ មានជនជាតិចិន និងខ្មែរ និងបានដកហូតវត្ថុតាងមួយចំនួនដែរដំណើរការអោយល្បែងស៊ីសងនេះផងដែរ ។

ក្រោយពីរង្វង់ប្រតិបត្តិការចប់ ជនសង្ស័យរួមទាំងវត្ថុតាង ត្រូវបានកម្លាំងជំនាញនាំយកទៅអធិការដ្ឋាននគរបាលខណ្ឌចំការមន ដើម្បីធ្វើការសាកសួរបន្តតាមនីតិវិធីច្បាប់៕

អត្ថបទ៖ សុខា