សន្តិសុខសង្គម
អាវុធហត្ថរាជធានីភ្នំពេញ បញ្ជូនខ្លួនជនសង្ស័យ៨នាក់ ជាមុខសញ្ញាឆក់ ប្លន់ទៅតុលាការ
កម្លាំងកងរាជអាវុធហត្ថរាជធានីភ្នំពេញ នៅថ្ងៃទី២ ខែកក្កដា ឆ្នាំ២០២៤ បានបង្ហាញមុខក្មេងទំនើង០១ក្រុម មានរហស្សនាម DMS (ក្រុមដើមស្តៅ) នៅក្នុងភូមិសាស្ត្រខណ្ឌដង្កោ តែងតែធ្វើសកម្មភាព កាប់ប្លន់ម៉ូតូ និងឆក់ទ្រព្យសម្បត្តិអ្នកដទៃជាច្រើនលើកច្រើនសារ នៅសង្កាត់ព្រែកកំពឹស វត្តឬស្សីសាញ់ ខណ្ឌដង្កោ នៅទួលពង្រ ខណ្ឌពោធិ៍សែនជ័យ និងច្រមុះជ្រូកស្ទឹងមានជ័យ ខណ្ឌមានជ័យ ត្រូវបានអាវុធហត្ថរាជធានីភ្នំពេញក្នុងខណ្ឌដង្កោ ធ្វើការបង្ក្រាប ជាបន្តបន្ទាប់ បានចំនួន៨នាក់ និងបានបញ្ជូនទៅតុលាការ។
![](https://www.kampucheathmey.com/wp-content/uploads/2024/07/photo_2024-07-02_13-36-56-1024x579.jpg)
ក្មេងទំនើងទាំងនេះរួមមាន ១-ឈ្មោះ ចាន់ ប្រុសពៅ ហៅឆ្លូញ អាយុ២០ឆ្នាំ, ២.ឈ្មោះ ហ៊ឹម សុខសេរីវឌ្ឍនា ហៅប្រេស អាយុ១៨ឆ្នាំ, ៣.ឈ្មោះ សូវ៉ុន រតនៈ អាយុ ១៨ឆ្នាំ, ៤.ឈ្មោះ វ៉ាត សីហា អាយុ ១៥ឆ្នាំ, ៥.ឈ្មោះ ឡុង ដារ៉ា អាយុ ១៥ឆ្នាំ, ៦.ឈ្មោះ ថន ភារុណ អាយុ ១៨ឆ្នាំ, ៧.ឈ្មោះ ជ័យ សុខា ហៅជាំ អាយុ ១៨ឆ្នាំ, ៨-ឈ្មោះ ឡេង វ៉ាន់ឌី អាយុ ១៧ឆ្នាំ។
តាមចម្លើយសារភាពរបស់ជនសង្ស័យទាំង០៨នាក់ បានឲ្យដឹងដូចៗគ្នាថា ពួកខ្លួន និងបក្ខពួកជាច្រើននាក់ផ្សេងទៀត ពិតជាបានប្រព្រឹត្តអំពើ ឆក់ កាប់ប្លន់ និងប្រើអំពើហិង្សាជាច្រើនលើកច្រើនសារមកហើយ មានដូចជា ឆក់ទូរស័ព្ទចំនួន០២លើក ចំណុចផ្លូវជាតិលេខ៣ និងផ្លូវ៦០ម៉ែត្រ កាលពី៦ខែមុន កាប់ប្លន់ម៉ូតូចំនួន០៤លើក ចំណុចផ្លូវជាតិលេខ៣ ជិតដល់ស្រុកកណ្តាលស្ទឹង ខេត្តកណ្តាល ចំណុចវត្តឬស្សីសាញ់ ចំណុចភូមិព្រែកកំពឹស និងចំណុចទួលពង្រ និងធ្លាប់វាយកាប់គ្នា នៅសង្កាត់ព្រែកកំពឹស ផ្សារអ៊ីអន៣ ផ្លូវ៦០ម៉ែត្រ ផ្លូវលេខ២១៧ ជិតស្រាបៀកម្ពុជា ចំណុចលូប្រាំ និងម្តុំទួលពង្រ ដែលបណ្តាលឲ្យជនរងគ្រោះរងរបួស មានស្រាល និងមានធ្ងន់ ផងដែរ។
បច្ចុប្បន្នបក្ខពួកផ្សេងទៀតរបស់ក្រុមពួកគេ ដែលកំពុងរត់គេចខ្លួនសមត្ថកិច្ចជំនាញអាវុធហត្ថរាជធានីភ្នំពេញ កំពុងស្រាវជ្រាវតាមចាប់ខ្លួនបន្ត៕
អត្ថបទ៖ សុខា
![](https://www.kampucheathmey.com/wp-content/uploads/2024/07/photo_2024-07-02_13-36-59-1024x572.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា