សន្តិសុខសង្គម
ចាប់ខ្លួនអ្នកកាសែតអនឡាញម្នាក់ រួមជាមួយបក្ខពួក ពាក់ព័ន្ធករណីលួចកាំភ្លើងរបស់នគរបាលក្នុងរថយន្ដ
កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋានរាជធានីភ្នំពេញ សហការជាមួយនគរបាលខណ្ឌដង្កោ និងនគរបាលខណ្ឌពោធិ៍សែនជ័យ បានធ្វើការឃាត់ខ្លួនជនសង្ស័យចំនួន៤នាក់ជាបន្តបន្ទាប់ ក្នុងចំណោមគ្នា៥នាក់ដែលបានធ្វើសកម្មភាពលួចកាំខ្លីម៉ាកឡុក១ដើម ចេញពីក្នុងរថយន្តរបស់នគរបាលព្រហ្មទណ្ឌកម្រិតធ្ងន់ នៃស្នងការដ្ឋានរាជធានីភ្នំពេញ កាលពីយប់ថ្ងៃទី៣០ ខែមិថុនា ឆ្នាំ២០២៤ ស្ថិតនៅនៅតាមផ្លូវ៥០ម៉ែត្រចំណុចភ្លើងស្តុបឫស្សីសាញ់ ក្នុងភូមិប្រកា សង្កាត់ព្រៃស ខណ្ឌដង្កោ។
![](https://www.kampucheathmey.com/wp-content/uploads/2024/07/photo_2024-07-03_08-10-20-1024x576.jpg)
ជនសង្ស័យទាំង៥នាក់នោះទើបតែស្គាល់ម្នាក់ប៉ុណ្ណោះគឺឈ្មោះ សួង បុរិន អាយុ៣៨ឆ្នាំ មុខរបរកាសែតអនឡាញ « អង្គភាពគេហទំព័រនគរប៉ុស្តិ៍ធីវីអនឡាញ» ស្នាក់នៅផ្ទះល្វែងក្នុងភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ។ និងមានស្រុកកំណើតនៅភូមិត្រពាំងលាន ឃុំចំបក់ ស្រុកបាទី ខេត្តតាកែវ រីឯបក្សពួក៤នាក់ទៀត មិនទាន់ស្គាល់ឈ្មោះនៅឡើយ ក្នុងនោះម្នាក់កំពុងរត់គេចខ្លួន។
សមត្ថកិច្ចបានប្រាប់ឲ្យដឹងថា ជនសង្ស័យ១ក្រុមនេះ គឺជាមុខសញ្ញាចោរកម្មតែងធ្វើសកម្មភាពបន្លំលួចទ្រព្យសម្បត្តិជនរងគ្រោះដែលជួបឧប្បត្តិហេតុគ្រោះថ្នាក់ចរាចរណ៍ ហើយក៏តែងតែលួចទ្រព្យសម្បត្តិនៅក្នុងរថយន្តទៀតផង។ ជាក់ស្ដែងបានលួចកាំភ្លើងខ្លីម៉ាកឡុកនគរបាលព្រហ្មទណ្ឌកម្រិតធ្ងន់នៃស្នងការដ្ឋានរាជធានីភ្នំពេញ ដែលទុកក្នុងរថយន្ត កាលពីថ្ងៃទី៣០ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/07/photo_2024-07-03_08-10-15-1024x768.jpg)
សមត្ថកិច្ចបានឲ្យដឹងទៀតថា ក្រោយពេលកើតហេតុកម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋានរាជធានីភ្នំពេញ សហការណ៍ជាមួយនគរបាលខណ្ឌដង្កោ ធ្វើការស្រាវជ្រាវភ្លាមៗ និងបានកំណត់មុខសញ្ញា ទើបឈានដល់ឃាត់ខ្លួនជាបន្តបន្ទាប់ចំនួន៣នាក់ រួចនាំទៅសាកសួរ ហើយរហូតដល់វេលាល្ងាចថ្ងៃទី២ ខែកក្កដា ឆ្នាំ២០២៤ បានសហការណ៍ជាមួយនគរបាលខណ្ឌពោធិ៍សែនជ័យ ធ្វើការឃាត់ខ្លួនជនសង្ស័យឈ្មោះ សួង បុរិន ដល់កន្លែងស្នាក់នៅតែម្ដង។
![](https://www.kampucheathmey.com/wp-content/uploads/2024/07/photo_2024-07-03_08-09-59-1024x576.jpg)
ប្រភពដដែលបានប្រាប់ថា ខណៈនោះកម្លាំនគរបាលដកហូតបានម៉ូតូហុងដាឌ្រីមសេ១២៥ ស៊េរីឆ្នាំ២០២០មួយគ្រឿង កាតកាសែត «អង្គភាពគេហទំព័រនគរប៉ុស្តិ៍ធីវីអនឡាញ» អត្តសញ្ញាណប័ណ្ណ ផងដែរ ។ចំណែកកាំភ្លើងដែលលួចបាននៅជនសង្ស័យម្នាក់ទៀតដែលកំពុងគេចខ្លួន ហើយសង្ស័យថា ជននោះបានលក់បាត់ទៅហើយ ខណៈដែលនគរបាលកំពុងតាមចាប់បន្ត៕
អត្ថបទ៖ សំណាង
![](https://www.kampucheathmey.com/wp-content/uploads/2024/07/photo_2024-07-03_08-09-50-1024x576.jpg)
![](https://www.kampucheathmey.com/wp-content/uploads/2024/07/photo_2024-07-03_08-09-43-1024x576.jpg)
![](https://www.kampucheathmey.com/wp-content/uploads/2024/07/photo_2024-07-03_08-36-49.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា