សន្តិសុខសង្គម
បុរសអ្នកតខ្សែភ្លើងភ្ជាប់រ៉ឺម៉កដើម្បីការពារសត្វកណ្ដុរឡើងស៊ីបន្លែ តែត្រូវឆក់ក្មេងប្រុសម្នាក់ស្លាប់ចូលខ្លួនសារភាពកំហុស
បុរសអ្នកលក់បន្លែម្នាក់បានតខ្សែភ្លើងការពាររ៉ឺម៉កលក់បន្លែរបស់ខ្លួនកុំឲ្យមានសត្វកណ្ដុរឡើងមកស៉ីបន្លែ តែត្រូវឆក់ក្មេងប្រុសម្នាក់ស្លាប់ភ្លាមៗនៅនឹងកន្លែង រួចយកសពក្មេងប្រុសទៅផ្លុងចោល នៅឯស្ពានព្រែកក្ដាម បានចេញបានមកទទួលទោសកំហុស ជាមួយកម្លាំងនគរបាលដើម្បីកសាងសំណុំរឿងចាត់ការតាមផ្លូវច្បាប់។
![](https://www.kampucheathmey.com/wp-content/uploads/2024/07/photo_2024-07-03_13-29-37-1024x768.jpg)
ជនសង្ស័យមានឈ្មោះ អ៊ាត ចាន់ធឿន ហៅតាយក្ស ភេទប្រុស អាយុ៥៤ឆ្នាំ ស្នាក់នៅបន្ទប់ជួល នៅក្នុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ចំណែកក្មេងប្រុសរងគ្រោះឈ្មោះ សន វណ្ណា អាយុ១៣ឆ្នាំ ស្នាក់នៅបន្ទប់ជួល ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជយ័។
តាមចម្លើយសារភាពរបស់ជនសង្ស័យបានឲ្យដឹងថា គាត់បង្កៃខ្សែរភ្លើងនេះ គឺដើម្បីបង្ការកុំឲ្យសត្វកណ្ដុរឡើងមកស៉ីបន្លែដែលលក់នៅសល់ក្នុងរ៉ឺម៉ក មិនមានបំណងបង្កៃសម្លាប់មនុស្សនោះទេ។ ការបង្កៃនេះបានដាក់រយៈពេល៥ថ្ងៃមកហើយ ស្រាប់តែថ្ងៃកើតហេតុ ម៉ោងប្រមាណជាង៤ទៀបភ្លឺ បានឡើងមកបើករ៉ឺម៉ក ស្រាប់តែឃើញមានក្មេងប្រុសម្នាក់ដេកស្លាប់ក្បែររ៉ឺម៉ករបស់ខ្លួន។ ភ្លាមៗនោះដោយមានការភ័យស្លន់ស្លោ មិនដឹងថាត្រូវធ្វើដូចម្ដេច ក៏បានលើកសពក្មេងប្រុសដាក់លើរ៉ឺម៉ក យកទៅផ្លុងចោលតែម្ដង។ រួចបានយករ៉ឺម៉កនោះទៅលក់ ហើយក៏គេចខ្លួនទៅនៅផ្ទះបងប្អូននៅខេត្តព្រះវិហារ។ បន្ទាប់អ្នកផ្ទះបានទំនាក់ទំនងទៅសុំឲ្យមកសារភាព ក៏សម្រេចមកសារភាពនៅថ្ងៃទី៣កក្កដានេះតែម្ដង។
![](https://www.kampucheathmey.com/wp-content/uploads/2024/07/photo_2024-07-03_13-29-29-1024x768.jpg)
សូមបញ្ជាក់ផងដែរថា ក្នុងរង្វង់ប្រតិបត្តិការនេះ កម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ ដឹកនាំសហការជាមួយនគរបាលនៃអធិការដ្ឋាននគរបាលខណ្ឌពោធិ៍សែនជ័យ និងអង្គការការពារកុមារ(CPU) នាំជនសង្ស័យទៅដល់ទីតាំងដែលយកសពក្មេងប្រុសទៅផ្លុងចោល។
![](https://www.kampucheathmey.com/wp-content/uploads/2024/07/photo_2024-07-03_13-29-22-1024x576.jpg)
គួរបញ្ជាក់ថា កាលពីវេលាម៉ោងជាង១២យប់រំលងអាធ្រាត្រឈានចូលថ្ងៃទី១ ខែកក្កដា ឆ្នាំ២០២៤ នៅក្នុងភូមិចាក់ជ្រូក សង្កាត់សំរោងក្រោមម ខណ្ឌពោធិ៍សែនជ័យ ភ្ញាក់ផ្អើលដល់សមត្ថកិច្ចចុះទៅពិនិត្យទីតាំងកើតហេតុ ដោយអ្នកភូមិបានបាត់កូនប្រុសរបស់គាត់ ក្រោយពីឆែកកាមេរ៉ាឃើញសកម្មភាពកូនប្រុសគាត់ចេញមកនោមនៅម៉ោងប្រហែលជាង១២យប់ ហើយពេលឈរនោមនោះបានតោងម៉ូតូរ៉ឺម៉កកង់បីដឹកបន្លែ១គ្រឿង ហើយក៏បានដួលលើដីស្លាប់។ រហូតដល់វេលាម៉ោងប្រហែលជាង៤ភ្លឺបានឃើញម្ចាស់កង់បី បានអូសសពកូនប្រុសគាត់យកទៅលាក់ទុកក្បែរបង្គោលភ្លើង ។ បន្ទាប់មកទៀតយកទៅទុកក្រោយផ្ទះ រួចលើកសពដាក់ម៉ូតូកង់បីបើកម៉ូតូកង់បីបើកចេញគេចខ្លួនទៅបាត់រហូត៕
អត្ថបទ៖ សុភា
![](https://www.kampucheathmey.com/wp-content/uploads/2024/07/photo_2024-07-03_13-29-44-1024x538.jpg)
![](https://www.kampucheathmey.com/wp-content/uploads/2024/07/photo_2024-07-03_13-29-50.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា