សន្តិសុខសង្គម
កើតចិត្តប្រចណ្ឌ បុរសជនជាតិទំពូនម្នាក់អារកសម្លាប់ប្រពន្ធ និងកូនអាយុ១០ឆ្នាំ រួចចងកសម្លាប់ខ្លួនតាមក្រោយ
បុរសជនជាតិទំពួនម្នាក់បានសម្រេចចិត្តសម្លាប់ប្រពន្ធ និងកូនស្រីជាទីស្រឡាញ់ រួចបន្តសម្លាប់ខ្លួនឯងទៅតាមក្រោយ។ករណីឃាតកម្មនេះបានកើតឡើងកាលពីយប់ថ្ងៃទី១ ខែកក្កដា ឆ្នាំ២០២៤ នៅវេលាម៉ោងប្រហែល៩និង៣០នាទី
នៅចំណុចខ្ទមចាំចម្ការរបស់ជនរងគ្រោះ ស្ថិតក្នុងភូមិកាហល ឃុំម៉ាលិច ស្រុកអណ្ដូងមាស ខេត្តរតនគិរី។
![](https://www.kampucheathmey.com/wp-content/uploads/2024/07/IMG_20240703_105213_986-768x1024.jpg)
លោក ចៅ នាង ស្នងការរង និងជាអ្នកនាំពាក្យនៃស្នងការដ្ឋាននគរបាលខេត្តរតនគិរី បានឲ្យ កម្ពុជាថ្មី ដឹងនៅព្រឹកថ្ងៃទី៣កក្កដានេះថា បន្ទាប់ពីទទួលបានព័ត៌មានពីម្ដាយជនរងគ្រោះ នៅវេលាម៉ោង៨និង៣០នាទីព្រឹកថ្ងៃទី២ ខែកក្កដា ឆ្នាំ២០២៤ ដោយមានការចង្អុលណែនាំពីលោកឧត្តមសេនីយ៍ទោ អ៊ុង សុភាព ស្នងការនគរបាលខេត្ត ដោយមានការសម្របសម្រួលពីឯកឧត្តមព្រះរាជអាជ្ញា កម្លាំងព្រហ្មទណ្ឌកម្រិតធ្ងន់ និងកម្លាំងបច្ចេកទេសវិទ្យាសាស្រ្ត នៃស្នងការដ្ឋាននគរបាលខេត្ត បានចុះសហការជាមួយកម្លាំងអធិការនគរបាលស្រុកអណ្ដូងមាស និងប៉ុស្តិ៍រដ្ឋបាលឃុំម៉ាលិចបានធ្វើការស្រាវជ្រាវ និងពិនិត្យលើសាកសពសន្និដ្ឋានថា នេះជាករណីឃាតកម្ម ប្ដីសម្លាប់ប្រពន្ធ និងកូន រួចចងករសម្លាប់ខ្លួនឯងតាមក្រោយពិតប្រាកដមែន។
លោកស្នងការរងបានបញ្ជាក់ថា ជនរងគ្រោះ២នាក់១-ឈ្មោះ សល់ ញ៉ែង ភេទស្រី អាយុ២៥ឆ្នាំ ជនជាតិទំពួន(ប្រពន្ធ)។
២-ឈ្មោះ សល់ ចន្ឋូ ភេទស្រីអាយុ១០ឆ្នាំ(កូន)។ ជនសង្ស័យឈ្មោះ រចំ កេល ភេទប្រុស អាយុ៣៥ឆ្នាំ ជនជាតិទំពួន (ប្ដី)។ ហើយជនរងគ្រោះ និងជនសង្ស័យ មានទីលំនៅភូមិ,ឃុំកើតហេតុខាងលើ។
![](https://www.kampucheathmey.com/wp-content/uploads/2024/07/IMG_20240703_105209_059-1024x768.jpg)
ក្រោយពីធ្វើសកម្មភាពអារកសម្លាប់ប្រពន្ធ កូន នឹងកាំបិតចុងស្រួចរួច ជនសង្ស័យក៏បានចងកសម្លាប់ខ្លួនឯងតាមក្រោយ។ លោកថា មូលហេតុមុនពេលកើតហេតុ ប្រពន្ធ និងប្ដីបានឈ្លោះប្រកែកគ្នា ប្ដីប្រចណ្ឌរហូតឈានទៅដល់ការសម្លាប់ប្រពន្ធ និងកូន រួចក៏បានធ្វើអត្តឃាតចងកសម្លាប់ខ្លួនឯងតែម្ដង។
បច្ចុប្បន្ន សាកសពទាំងប្ដី ប្រពន្ធ និងកូន ត្រូវបានសមត្ថកិច្ចធ្វើកំណត់ហេតុប្រគល់ទៅឲ្យក្រុមគ្រួសារយកទៅធ្វើបុណ្យទៅតាមប្រពៃណីជនជាតិដើមភាគតិចទំពួន៕
អត្ថបទ៖ វុទ្ធឦសាន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា