សន្តិសុខសង្គម
ផ្អើលសមត្ថកិច្ចអស់មួយខណ្ឌទួលគោក ឮសម្លេងបាញ់ ស្មានថាជាកាំភ្លើងគ្រាប់ពិត តាមពិតជាកាំភ្លើងផាវសោះ
ភ្នំពេញ ៖ នគរបាលខណ្ឌទួលគោក សហការជាមួយកម្លាំងកងរាជអាវុធហត្ថខណ្ឌ ចុះឃាត់ខ្លួនជនសង្ស័យដែលមានសតិមិនល្អ ក្រោយធ្វើការយកកាំភ្លើងផាវបាញ់ផ្អើល ប្រជាពលរដ្ឋ ក្នុងសង្កាត់ទឹកល្អក់៣។
ហេតុការណ៍នេះ បង្កភ្ញាក់ផ្អើលនាវេលាម៉ោង០៤ នឹង ៤៥នាទីរសៀលថ្ងៃទី០៦ ខែកក្កដា ឆ្នាំ២០២៤ ស្ថិតនៅតាមបណ្តោយផ្លូវ២១ប៊េ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
ជនសង្ស័យដែលមានសតិមិនល្អមានឈ្មោះ ធី អាយុជាង៣០ឆ្នាំ មុខរបរមិនពិតប្រាកដ ស្នាក់នៅផ្ទះលេខ 56 ផ្លូវ21B ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីប្រជាពលរដ្ឋបានប្រាប់ឱ្យដឹងថា ជារៀងរាល់ថ្ងៃ ជនសង្ស័យដែលមានសតិមិនល្អរូបនោះតែងតែ ដើរកាន់កូនកាំបិតចិតផ្លែ រកចាក់អ្នករស់នៅក្នុងមូលដ្ឋានសង្កាត់ទឹកល្អក់៣ ជារឿយៗ ។ រហូតមកដល់ថ្ងៃនេះប្រជាពលរដ្ឋបានឃើញ ជនសង្ស័យខាងលើមិនដឹងជាបាន កាំភ្លើងមកពីណានោះទេ បានបាញ់ឡើងលើជាច្រើនគ្រាប់ រួចជនសង្ស័យខាងលើក៏បានរត់ចូលផ្ទះវិញបាត់ ។ ភ្លាមៗនោះ ប្រជាពលរដ្ឋរស់នៅក្បែរខាង មានអារម្មណ៍ភ័យតក់ស្លុត ទើបសម្រេចចិត្តរាយការណ៍ ជូនសមត្ថកិច្ចមូលដ្ឋាន ដើម្បីមកចុះជួយអន្តរាគមន៍។
ប្រភពពីសមត្ថកិច្ចបានបញ្ជាក់ឱ្យដឹងថា បន្ទាប់ពីទទួលបានដំណឹងថា ជនសង្ស័យមានកាំភ្លើង សមត្ថកិច្ចបាននាំកម្លាំងមកដល់ចំណុចកើតហេតុ រួចបន្តទាក់ទងទៅកម្លាំងកងរាជអាវុធហត្ថខណ្ឌ ដើម្បីសហការឃាត់ជនសង្ស័យខាងលើរហូតបានសម្រេច។ ប្រភពដដែលបន្តទៀតថា ជាក់ស្តែងនៅពេលកម្លាំងឃាត់ជនសង្ស័យបាន គឺឆែកឆេរខ្លួនជនសង្ស័យរួច រកឃើញនឹងដកហូតបានកាំភ្លើងផាវ មិនមែនជាកាំភ្លើងពិតនោះទេ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចឃាត់ខ្លួនយកទៅកាន់អធិការដ្ឋាននគរបាលខណ្ឌទួលគោក ដើម្បីសាកសួរតាមនីតិវិធី៕
អត្ថបទ ៖ រដ្ឋា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា