សន្តិសុខសង្គម

ឆេះឃ្លាំងដាក់សម្ភារៈកសិកម្ម ស្នងការខេត្តត្បូងឃ្មុំប្រើប្រាស់ទឹក១៧ឡានទើបគ្រប់គ្រងបាន

បានផុស

៩ ខែ មុន

នៅ

ថ្ងៃចន្ទ ៨ កក្កដា ២០២៤

ដោយ

នៅវេលាម៉ោង២រំលងអធ្រាត្រឈានចូលថ្ងៃទី៨ ខែកក្កដា ឆ្នាំ២០២៤ អគ្គិភ័យបានឆាបឆេះយ៉ាងសន្ធោសន្ធៅ ចេញពីឃ្លាំងដាក់សម្ភារៈកសិកម្មមួយកន្លែង ស្ថិតនៅភូមិវាលកណ្តៀង ឃុំជប់ ស្រុក/ខេត្តត្បូងឃ្មុំ។ ករណីនេះបណ្តាលឲ្យខូចខាតសម្ភារៈមួយចំនួនធំ តែមិនប៉ះពាល់ដល់អាយុជីវិតមនុស្សឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សាំ ហេង អធិការនៃអធិការដ្ឋាននគរបាលស្រុកត្បូងឃ្មុំបានឱ្យដឹងថា ករណីនេះមានរថយន្តពន្លត់អគ្គិភ័យនៃអធិការដ្ឋាននគរបាលស្រុកត្បូងឃ្មុំ ដែលប្រចាំការ២៤ម៉ោង លើ២៤ម៉ោង ចេញទៅអន្តរាគមន៍បាញ់ទឹកទន្លត់ ។ ហើយហេតុការណ៍នេះបានកើតឡើងនៅវេលាម៉ោង២រំលងអធ្រាត្រ ឈានចូលថ្ងៃទី៨ ខែកក្កដា ឆ្នាំ២០២៤។

លោកអធិការនគរបាលស្រុកត្បូងឃ្មុំ បានបន្តឲ្យដឹងទៀតថា កិច្ចប្រតិបត្តិការនេះ កម្លាំងបានចុះដល់កន្លែងកើតហេតុជាបន្ទាន់ និងបានទទួលបញ្ជាពីលោកឧត្តមសេនីយ៍ស្នងការខេត្តឲ្យសហការជាមួយរថយន្តពន្លត់អគ្គិភ័យ តាមបណ្ដាស្រុក ក្រុង ក្នុងខេត្ត ដែលបានចេញមកអន្តរាគមន៍បាញ់ទឹកពន្លត់ជាបន្តបន្ទាប់។ ក្នុងនោះកម្លាំងបានប្រើប្រាស់រថយន្តចំនួន៦គ្រឿង (ស្រុកត្បូងឃ្មុំ ស្រុកអូររាំងឪ ក្រុងសួង ស្រុកតំបែរ ស្រុកពញាក្រែក។ ប្រើប្រាស់ទឹកអស់ចំនួន១៧រថយន្ត គ្រប់គ្រងបានទាំងស្រុងវេលាម៉ោង៥ព្រឹកថ្ងៃទី៨ ខែកក្កដានេះ។

ចំពោះការខូចខាតរម្ភារៈមានឃ្លាំងសម្ភារៈ ធ្វើពីថ្ម ដំបូលសង្ក័សីទំហំ ២៥X៤០ ម៉ែត្រ ខូចខាតជញ្ជាំខាងកើតមួយចំហៀង ប្រវែង ២៥ម៉ែត្រ។ សម្ភារៈគ្រឿងបម្រើអោយកសិកម្មក្នុងឃ្លាំងមួយចំនួនធំ (មិនទាន់អាចកំណត់បាន)។
មូលហេតុបណ្តាលមកពីឆ្លងចរន្តអគ្គិសនីហើយទំហំនៃការខូចខាត ជំនាញមិនទាន់ត្រូវបានវាយតម្លៃគិតជាទឹកប្រាក់អស់ចំនួនប៉ុន្មាននៅឡើយ៕

អត្ថបទ៖ សាន វិឡែម