សន្តិសុខសង្គម
នគរបាលបង្ក្រាបក្រុមក្មេងទំនើងប្រើដាវកាប់គ្នា បណ្ដាលឲ្យរបួសធ្ងន់ម្នាក់ នៅខណ្ឌពោធិ៍សែនជ័យ
កាលពីថ្ងៃទី ១០ ខែកក្កដា ឆ្នាំ ២០២៤ ម្សិលមិញ នគរបាល បានស្រាវជ្រាវឃាត់ខ្លួនក្មេងទំនើង ចំនួន ៦ នាក់ ក្នុងចំណោមជាង ១០ នាក់ ដែលធ្វើសកម្មភាពកាប់គ្នា បណ្ដាលឲ្យជនរងគ្រោះម្នាក់ រងរបួសធ្ងន់ នៅខណ្ឌពោធិ៍សែន។

កម្លាំងនគរបាលខណ្ឌពោធិ៍សែនជ័យ ដឹកនាំបង្ក្រាបដោយ លោកវរសេនីយ៍ឯក ម៉ន វុធី អធិការនគរបាលខណ្ឌ សហការជាមួយកម្លាំងនគរបាលព្រហ្មទណ្ឌកម្រិតស្រាល ស្នងការនគរបាលរាជធានីភ្នំពេញ បានស្រាវជ្រាវឃាត់ខ្លួនក្មេងទំនើង ចំនួន ៦ នាក់ ក្នុងចំណោមបក្សពួកប្រមាណជាង ១០ នាក់ ដែលធ្វើសកម្មភាពកាប់គ្នា បណ្ដាលឲ្យជនរងគ្រោះម្នាក់ រងរបួសធ្ងន់ កាលពីថ្ងៃទី ៦ ខែកក្កដា ២០២៤ កន្លងទៅ នៅចំណុចផ្លូវ ១៦៨K ភូមិក្បាលដំរី ២ សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។
លោកវរសេនីយ៍ឯក ម៉ន វុធី បានឲ្យដឹងថា ដោយអនុវត្តតាមបទបញ្ជាផ្ទាល់ពី លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានធ្វើការស្រាវជ្រាវ ករណីក្មេងទំនើងកាប់គ្នា បណ្ដាលឲ្យជនរងគ្រោះម្នាក់ រងរបួសធ្ងន់។ ក្នុងនោះ ក្រោយធ្វើសកម្មភាព កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយ សមត្ថកិច្ចជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដឹកនាំដោយលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ បានធ្វើការស្រាវជ្រាវឃាត់ខ្លួនក្មេងទំនើង ចំនួន ០៦ នាក់ និងបក្សពួកប្រមាណជាង ១០ នាក់ទៀត កំពុងរត់គេចខ្លួន។

បច្ចុប្បន្ន កម្លាំងជំនាញ បានកសាងសំណុំរឿងតាមនីតិវិធី និងបន្តស្រាវជ្រាវរកចាប់ខ្លួនបក្សពួកក្មេងទំនើងដែលនៅសេសសល់យកមកអនុវត្តតាមនីតិវិធីច្បាប់៕
អត្ថបទ ៖ សំណាង






-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?