សន្តិសុខសង្គម
ឧបករណ៍ឆក់មូសធ្វើឲ្យផ្ទះមួយខ្នង រថយន្ដ៣គ្រឿង និងម៉ូតូ៣គ្រឿងឆេះខ្ទេចគ្មានសល់
ផ្ទះ១ខ្នងមានទំហំ១២ គុណ ៩ម៉ែត្រ ធ្វើអំពីឈើប្រក់ស័ង្កសី រួមទាំងរថយន្ត៣គ្រឿង ម៉ូតូ៣គ្រឿង និងទ្រព្យសម្បត្តិមួយចំនួនធំ ត្រូវបានអគ្គិភ័យឆាបឆេះអស់ទាំងស្រុង បង្កឡើងដោយសារឧបករណ៍ឆក់មូស។
ហេតុការណ៍នេះកើតឡើងនៅវេលាម៉ោង៤រសៀលថ្ងៃទី១១ ខែកក្កដា ឆ្នាំ២០២៤ នៅភូមិជើងវត្ត ឃុំ ព្រះនេត្រព្រះ ស្រុកព្រះនេត្រ ព្រះខេត្តបន្ទាយមានជ័យ។
លោកវរសេនីយ៍ទោ ទេព រដ្ឋា អធិការនគរបាលនៃស្រុកព្រះនេត្រព្រះ បានឲ្យដឹងថា ម្ចាស់ផ្ទះមានឈ្មោះ ប៊ុន អូន ភេទ ស្រី អាយុ៦៣ឆ្នាំ នៅភូមិជើងវត្ត ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ មុនពេលកើតហេតុ ម្ចាស់ផ្ទះឈ្មោះ ប៊ុន អូន បានយកឧបករណ៍ឆក់មូសអគ្គិសនីវាយឆក់មូស ស្របពេលកំពុងបូមសាំងដាក់ក្នុងដបដើម្បីលក់ក៏បង្កឲ្យមានផ្កាភ្លើងឆាបឆេះសាំងកំពុងបូម និងប៊ីដុងសាំងក្បែរនោះឆាបឆេះឡើងសន្ធោសន្ធៅតែម្ដង។
ក្រោយពីកើតមាននូវករណីអគ្គិភ័យនេះ កម្លាំងនគរបាលស្រុកព្រះនេត្រព្រះ បានដឹកនាំកម្លាំងនរបាល និងបញ្ចេញរថយន្តពន្លត់អគ្គិភ័យចំនួន២គ្រឿង របស់អធិការដ្ឋាននគរបាលស្រុកមង្គលបូរី១គ្រឿង និងកម្លាំងអាជ្ញាធរមូលដ្ឋាន ប្រជាពលរដ្ឋ ចុះជួយអន្តរាគមន៍ពន្លត់ ដោយប្រើប្រាស់ទឹកអស់ចំនួន៣រថយន្តទើបរលត់ទាំងស្រុង និងមិនការរាលដាលដល់ផ្ទះអ្នកជិតខាង និងគ្រោះថ្នាក់មនុស្សនោះឡើយ។
ក្នុងករណីនេះ ដោយការរាលឆេះដ៏រហ័សបង្កខូចខាតទ្រព្យសម្បរបស់ម្ចាស់រួមមានផ្ទះ១ខ្បង ទំហំ១២ គុណ ៩ម៉ែត្ររថយន្តចំនួន៣គ្រឿង ម៉ូតូ៣គ្រឿង សាំង និងម៉ាស៊ូត ២០ប៊ីដុង ព្រមទាំងទ្រព្យសម្បត្តិក្នុងផ្ទះមួយចំនួនធំ៕
អត្ថបទ៖ វ៉ាន់ ណាង
-
សន្តិសុខសង្គម៥ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៤ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ៦ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ២ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
សេដ្ឋកិច្ច១ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៥ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៥ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់