សន្តិសុខសង្គម
ការស្ថាបនាផ្លូវបេតុងថ្មី លើអតីតផ្លូវរថភ្លើងឬស្សីកែវ សម្រេចបាន៩០ភាគរយ
ផ្លូវបេតុងថ្មីមួយខ្សែប្រវែង៤៤០០ម៉ែត្រ ស្ថាបនាលើអតីតផ្លូវរថភ្លើងឬស្សីកែវ បានសម្រេចរួចរាល់៩០ភាគរយហើយ និងកំពុងពន្លឿនការស្ថាបនាឱ្យបានរួចរាល់១០០ភាគរយក្នុងពេលឆាប់ៗខាងមុខនេះ។ នេះបើតាមការបញ្ជាក់ឱ្យដឹងពីមន្រ្តីជំនាញនៃមន្ទីរសាធារណៈការរាជធានីភ្នំពេញ។
![](https://www.kampucheathmey.com/wp-content/uploads/2024/07/photo_2024-07-13_14-07-11-1024x578.jpg)
តាមការបញ្ជាក់បានឱ្យដឹងថា ផ្លូវបេតុងថ្មីមួយខ្សែនេះ មានទទឹង ១៦,៥ម៉ែត្រថ្មី មានសួនច្បារកណ្តាល២,៥ម៉ែត្រ ដាក់ឆ្អឹងដែក១២លី ក្រាលថ្មមុិចកម្រាស់២ទឹក។ ផ្លូវបេតុងថ្មីមួយខ្សែនេះ គឺជាផ្លូវយុទ្ធសាស្ត្រសំខាន់ក្នុងការជួយរំដោះចរាចរណ៍ តំបន់បឹងកក តំបន់ទួលសង្កែ តំបន់ច្រាំងចំរេះទី១ និងទី២ តំបន់គីឡូម៉ែតលេខ៦ ដល់កែងផ្លូវជាតិលេខ៥ ខណ្ឌប្ញស្សីកែវ ជាដើម ។
ប្រជាពលរដ្ឋរស់នៅប្របសងខាងផ្លូវខាងលើនេះ បានបង្ហាញអារម្មណ៍សប្បាយរីករាយ និងមានក្តីរំភើបនៅពេលផ្លូវបេតុងថ្មីដ៏ធំមួយខ្សែដែលសាងសង់ជិតរួចរាល់នៅលើគន្លងអតីតផ្លូវរថភ្លើង ដែលអាចផ្តល់ជាអត្ថប្រយោជន៍សំខាន់ច្រើន ដល់ការរស់នៅ និងការធ្វើដំណើរសម្រាប់ពលរដ្ឋទាំងនៅក្នុងតំបន់ និងក្រៅតំបន់ ពិសេសនោះ អាចជួយកាត់បន្ថយនូវការកកស្ទះបានច្រើននៅតំបន់នោះផងដែរ។
![](https://www.kampucheathmey.com/wp-content/uploads/2024/07/photo_2024-07-13_14-07-14-1024x567.jpg)
ថ្វីត្បិតមិនទាន់រួចរាល់ក៏ដោយ ប៉ុន្តែប្រជាពលរដ្ឋដែលមានរស់នៅអមសងខាងផ្លូវបេតុងនោះពេញចិត្ត ចំពោះសម្មិទ្ធិផលថ្មីមួយនេះ ដែលជាផ្លូវដ៏ធំស្អាតល្វឹងល្វើយ ងាយអោយពួកគាត់រស់នៅស្រួល និងងាយប្រកបមុខរបរអាជីវកម្មតូចធំផ្សេងៗបាន ព្រោះនៅពេលដែលមានផ្លូវធំងាយស្រួលធ្វើដំណើរ គឺប្រាកដជាមានមនុស្សឆ្លងកាត់ច្រើន ដូចនេះហើយងាយអោយពួកគាត់ដែលរស់នៅក្នុងតំបន់អាចប្រកបរបរផ្សេងចិញ្ចឹមជីវិតបាន ជាជាងកាលដែលផ្លូវនៅលំបាក។
![](https://www.kampucheathmey.com/wp-content/uploads/2024/07/photo_2024-07-13_14-07-18-1024x560.jpg)
គម្រោងថ្មីនេះ គឺសាងសង់នៅលើអតីតផ្លូវរថភ្លើងឬស្សីកែវ ដែលស្ថិតក្នុងភូមិសាស្ត្រសង្កាត់ចំនួន០៣ជាប់គ្នា គឺសង្កាត់ទួលសង្កែ១ សង្កាត់ឬស្សីកែវ និងសង្កាត់គីឡូម៉ែត្រលេខ៦ ។ ផ្លូវថ្មីមួយខ្សែនេះ តភ្ជាប់ពីផ្លូវលេខ៧០ ( ផ្លូវទំនប់ទួលគោក ) ភ្ជាប់ទៅកាន់ផ្លូវជាតិលេខ០៥ ឬស្សីកែវ ។
![](https://www.kampucheathmey.com/wp-content/uploads/2024/07/photo_2024-07-13_14-07-21-1024x570.jpg)
គួររំលឹកផងដែរថា ក្នុងការអភិវឌ្ឍន៍ផ្លូវមួយខ្សែខាងលើនេះដែរ អាជ្ញាធររាជធានីភ្នំពេញ បានដោះស្រាយផលប៉ះពាល់ជាមួយពលរដ្ឋក្នុងតំបន់សរុប៣២០គ្រួសារ ដោយដោះដូរជូនពលរដ្ឋវិញ ជាការផ្តល់អោយដីរដ្ឋម្នាក់មួយប្លង់ មានទំហំ០៤ម៉ែត្រ គុណ១៥ម៉ែត្រ ដោយដីដែលត្រូវដោះដូនជូននោះ គឺនៅមិនឆ្ងាយពីលំនៅឋានចាស់ៗរបស់ពួកគាត់ឡើយ ពោលគឺនៅខាងក្រោយវត្តទួលអស់លោក ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ៕
អត្ថបទ៖ សុភា
![](https://www.kampucheathmey.com/wp-content/uploads/2024/07/photo_2024-07-13_14-07-25-1024x591.jpg)
![](https://www.kampucheathmey.com/wp-content/uploads/2024/07/photo_2024-07-13_14-07-28-1024x768.jpg)
![](https://www.kampucheathmey.com/wp-content/uploads/2024/07/photo_2024-07-13_14-07-37-1024x768.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១៨ ម៉ោង ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
ព័ត៌មានជាតិ៧ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៧ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៥ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៣ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៤ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានជាតិ១ សប្តាហ៍ ago
យុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន