សន្តិសុខសង្គម

អាវុធហត្ថរាជធានី ឃាត់រថយន្តកែច្នៃបំពង់ស៊ីមុំាង ០២ គ្រឿង និងនាំម្ចាស់មកអប់រំណែនាំ

បានផុស

៩ ខែ មុន

នៅ

ថ្ងៃចន្ទ ១៥ កក្កដា ២០២៤

ដោយ

កម្លាំងកងរាជអាវុធហត្ថរាជធានីភ្នំពេញ បានធ្វើការឃាត់រថយន្តចំនួន ០២ គ្រឿង ដែលកែច្នៃបំពង់ស៊ីមុំាង បង្កឲ្យមានសំឡេងរំខានដល់ប្រជាពលរដ្ឋ បាត់បង់សណ្ដាប់ធ្នាប់សាធារណៈ និងនាំម្ចាស់ យកមកអប់រំណែនាំឲ្យដោះស៊ីមុំាងចេញជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះរថយន្តទាំង ០២ គ្រឿង ដែលបានបង្ក្រាបរួមមាន ៖ រថយន្តទី១-ម៉ាក MASDA ពណ៌ស ពាក់ស្លាកលេខ ភ្នំពេញ 2AF-1979 ត្រូវបានកម្លាំងមូលដ្ឋានអាវុធហត្ថខណ្ឌទួលគោក ធ្វើការឃាត់នៅចំណុចផ្លូវ ៥៩២ សង្កាត់បឹងកក់ ២ ខណ្ឌទួលគោក រាជធានីភ្នំពេញ។ រថយន្តទី២-ម៉ាក MASDA ពណ៌ស ពាក់ស្លាកលេខ ភ្នំពេញ 2BH-3559 ត្រូវបានកម្លាំងមូលដ្ឋានអាវុធហត្ថខណ្ឌដូនពេញ ធ្វើការឃាត់នៅចំណុចផ្លូវព្រះមុនីវង្ស កែងនឹងផ្លូវ ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ។

ជាមួយគ្នានេះ ក្រោយអប់រំរួច កម្លាំងជំនាញអាវុធហត្ថរាជធានីភ្នំពេញ បានណែនាំម្ចាស់រថយន្តទាំង ០២ គ្រឿង ឲ្យដោះបំពង់ស៊ីមុំាងកែច្នៃចេញ ហើយបំពាក់បំពង់ស៊ីមុំាងធម្មតាវិញ និងធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងរថយន្តខុសលក្ខណៈបច្ចេកទេស បង្កការរំខានដល់សាធារណជនតទៅទៀត៕

អត្ថបទ ៖ រដ្ឋា