ករណីលោកចៅសង្កាត់ចោមចៅទី២ ប្រើហិង្សាលេីយុវជនអាយុ១៥ឆ្នាំបានដោះស្រាយបញ្ចប់រឿង​

លោក​ វ៉ា​ សារ៉ង​ ចៅសង្កាត់ចោមចៅទី២​ បានប្រាប់ឱ្យដឹងនៅព្រឹក​ ថ្ងៃទី១៦​ ខែកក្កដា​ ឆ្នាំ២០២៤នេះថា​ ពាក់ព័ន្ធករណីដែលលោកបានប្រដៃទះកំផ្លៀងក្មេងប្រុសម្នាក់ដែលត្រូវជាចៅប្រុសរបស់លោកអនុភូមិកប់គង​ ពេលនេះត្រូវបានបញ្ចប់រឿងហេីយដោយសារមានការភាន់ច្រលំគ្នា​តែប៉ុណ្ណោះ។

សូមរំលឹកថា​ កាលពីវេលាម៉ោង៩និង១៥នាទីយប់ ថ្ងៃទី១៤ ខែកក្កដា ឆ្នាំ២០២៤ លោក​ វ៉ា​ សារ៉ង​ ចៅសង្កាត់ចោមចៅទី២​ បានប្រេីដៃទះកំផ្លៀងទៅលេីយុវជនម្នាក់ឈ្មោះ ស៊ឿង ណារ៉ូត អាយុ១៥ឆ្នាំ ជាសិក្ស​ រស់នៅភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ​ ដោយសារតែយុវជនរូបនោះនាំចៅប្រុសរបស់គាត់ដេីរលេង។

លោក​ ចៅសង្កាត់ចោមចៅទី២បានបញ្ជាក់ថា​ ពាក់ព័ន្ធករណីខាងលេីនេះ​ លោកបានដោះស្រាយជាមួយក្រុមគ្រួសាររងគ្រោះរួចរាល់ហេីយ​ ដោយលោកបានសុំទោសទទួលកំហុស និងចេញថ្លៃព្យាបាលទៅលេីយុវជនរងគ្រោះ​ ដោយគិតថាជារឿងភាន់ច្រឡំ​ ហេីយភាគីឪពុកម្តាយយុវជនរងគ្រោះក៏ព្រមទទួលមិនបានដាក់ពាក្យបណ្តឹងនោះដែរ៕

អត្ថបទ៖ សុខា